Хаартыска: сахагов.
Бүгүн, тохсунньу 17 күнүгэр, Тымныы полюһунан аатырар Өймөкөөн улууһугар аан дойдутааҕы таһымнаах улахан успуорт тэрээһинэ — «Тымныы полюһа» 7-с кыһыҥҥы экстремальнай марафон түмүктэннэ.
Быйылгы тэрээһиҥҥэ саамай элбэх киһи кыттыыны ылан, устуоруйаҕа киирдэ. Ол курдук, 100 спортсмен Саха сирин 26 улууһуттан, 43 Арассыыйа эрэгийиэниттэн, Белоруссияттан уонна Японияттан кыттыыны ыллылар. Былырыын дойду 16 эрэгийиэниттэн 50 спортсмен кыттыбыта.
Бастакы күн кылгас дистанцияларга (5, 10, 15 уонна 21,1 килэмиэтир), ону тэҥэ уһун дистанцияларга сүүрүүлэр буоллулар. Саамай уһун — 50 килэмиэтири сүүрүүгэ бүгүн 50 хорсун дьон (11 дьахтар уонна 39 эр киһи) кытынна. Ультрамарафон түһүмэххэ Александр Моедо бастаата — кини 50 км 3 чаас 28 мүнүүтэнэн кэллэ.
42, 195 км дистанцияҕа Хаҥалас уонна Мэҥэ Хаҥалас улуустарын бэрэстэбиитэлэ Леонид Зыков 2 чаас 58 мүн. кэллэ.
«Бу тэрээһиҥҥэ мэтээл түргэнник сүүрүү эрэ иһин буолбакка, тулуур уонна кытаанах санаа иһин туттарыллар», — диэн Ил Дархан Айсен Николаев бэйэтин MAX Messenger ханаалыгар бэлиэтээтэ.
Кыттааччыларга тустаах усулуобуйа барыта тэрилиннэ: маршрут устун сылаас балааккалар турдулар, мэдиссиинэ суһал көмөтүн биригээдэлэрэ уонна Арассыыйа ЫБММ исписэлиистэрэ күнүстэри-түүннэри дьуһуурунайдаатылар.
“Тымныы полюһа Өймөкөөн” 7-с марафона Саха сирин Аҕа баһылыгын «Саха сиригэр олохтоох оҥорон таһаарыыны уонна туризмы сайыннарыы туһунан» стратегическай ыйааҕын толорор уонна «Арассыыйа успуорда» судаарыстыбаннай бырагыраама соруктарыгар сөп түбэһэр. Суолталаах тэрээһин аатырбыт географ-геолог, ССРС Наукаларын академиятын анал кэрэспэдьиэнэ Сергей Обручев салайааччылаах номоххо киирбит Индигиирдээҕи эспэдиисcийэни тэрийбитэ 100 уонна Арассыыйаҕа Норуоттар сомоҕолоһууларын сылларыгар ананна.
Сиһилии https://www.sakha.gov.ru/news/18656 сигэҕэ аах.
Хас биирдии үүнээйи туспа ааттаах-суоллаах, суолталаах. Уопуттаах оҕуруотчуттар ханнык сибэккини дьиэҕэ олордору, ханныгы олордуллуо суохтааҕын…
Саха ыалын сиэрэ-туома. Былыр саҥа төрөөбүт уол оҕону абааһыттан кистээн биһигэр бастаан ыт оҕотун угаллара.…
Уруу-аймах ааттарын төһө билэҕин? Бадьа, биллэх диэн кими ааттыылларый? Саха ыалын халандаарыгар бу туһунан баар.…
Быйыл Өймөкөөҥҥө экстремальнай марафон элбэх ахсааннаах кыттааччынан рекорду олохтуур соруктаах ыытылынна. Ол курдук, былырыыҥҥы тэрээһиҥҥэ…
Саха сиригэр 2025 сылга барыта аҕыс хочуолунай үлэҕэ киллэриллибит. Бу бырайыактары олоххо киллэрии нэһилиэнньэлээх пууннары…
Тохсунньу томороон тымныыта түһэн турар. Баччаларга Саха сирин үрдүнэн таҥха кэмэ саҕаланар, сүллүүкүүттэр тахсаллар. Аныгы кэмҥэ ким да кинилэри илэ көрбүтэ суох эрээри, дьэ хата кимнээҕэр дьон олоҕор “орооһоллор” үһү. …