СӨ Бырабыыталыстыбатын пресс-сулууспатын хаартыската
Куонкурус сыала-соруга — хореографическай оскуолалар уонна училищелар уопуттарын атастаһыы уонна үөрэнээччилэр ситиһиилэрин көрүү, эдэр талааннары арыйыы буолар.
Ол курдук куонкурус үс номинациялаах: «классическай үҥкүү», «норуот уус-уран айымньыта, норуот истиилинэн үҥкүү», «аныгы хореография». Мантан Саха сирин оҕото классическай үҥкүү көрүҥэр кыттыаҕа.
«Эйнара оскуолабыт бастыҥ үөрэнээччитэ буолар. Казахстаҥҥа кини Саха сирин эрэ буолбакка, бүтүн Арассыыйа чиэһин көмүскүөҕэ. Биһиги Эйнаранан киэн туттабыт уонна кини ситиһиилээхтик кыттарыгар баҕарабыт», — диэн Саха сирин балетын оскуолатын дириэктэрэ Дария Дмитриева санаатын үллэстэр.
Эйнара Таркова — классическай үҥкүүгэ алын сүһүөх бөлөххө Улан Удэҕэ ыытыллыбыт норуоттар икки ардыларынааҕы III хореографическай куонкуруска быйыл кулун тутар ыйга 2-c истиэпэннээх лауреат аатын ылбыта.
Эдэркээн балеринаны куратора, үҥкүүгэ уһуйааччы учуутала Жанна Попова арыаллыаҕа.
«Орлеу» бэстибээл чэрчитинэн, Алма-Ата куоракка научнай-чинчийэр кэмпириэнсийэлэр, маастар-кылаастар ыытыллыахтара.
«Орлеу» диэн хореографическай үөрэх кыһаларын норуоттар икки ардыларынааҕы куонкуруһа 2008 сыллаахха Алма-Ата куораттааҕы А.Селезнев аатынан хореографическай училище уонна Евразия култууратын пуондатынан олохтоммута.
Хатаска ССРС успуордун маастарын А.В. Мокрощупов бирииһигэр тустууга күрэх буолан ааста. Бииргэ төрөөбүттэр курдук быстыспат…
Гражданскай оборуона дьыалаларын уонна нэһилиэнньэҕэ куттал суох буолуутун хааччыйар министиэристибэтин кэлэктиибэ, Саҥа дьылы көрсө байыаннай…
Борокуратуура ирдэбилин түмүгэр Саха сирин бүддьүөтүгэр 1,5 мөл. солкуобай төннөрүлүннэ. Горнай оройуонун борокуратуурата өрөспүүбүлүкэ борокуратууратын…
ИДьМ сулууспатын 2 №-дээх полициятын отделын дьуһуурунай чааһыгар балыыһаттан Дьокуускай куорат олохтооҕо төбөтүн эчэтэн, балыыһаҕа…
СӨ Ил Дархана Айсен Николаев Арассыыйа Дьоруойа Дмитрий Николаевич Егоров огдооботугар Надежда Алексеевна Андрееваҕа, байыаннай…
WhatsApp* (Арассыыйаҕа экстремисткэйинэн билиниллибит уонна бобуллубут Meta хампаанньа бас билиитэ) сокуон ирдэбиллэрин толорботох түгэнигэр үлэтэ…