Экэниэмикэ министиэристибэтигэр Wildberries & Russ сортировкалыыр киини тутууну дьүүллэстилэр

РВБ хампаанньа (Объединенная компания Wildberries & Russ) Саха сиригэр логистика киинин тутар былааннаах.

Илиҥҥи экэнэмиичэскэй пуорум кэмигэр инвестиционнай бырайыагы олоххо киллэрэр туһунан Саха сирин Ил Дархана Айсен Николаев уонна Wildberries хампаанньа төрүттээччитэ, РВБ баһылыга Татьяна Ким илии баттаабыттара.  СӨ Экэниэмикэҕэ министиэристибэтэ иһитиннэрбитинэн, Wildberries & Russ бэрэстэбиитэллэрэ Дьокуускайга хас да учаастагы көрдүлэр. Көрсүһүү кэмигэр бырайыак кэнсиэпсийэтин дьүүллэстилэр. Бу туһунан sakha.gov.ru иһитиннэрэр.

Өрөспүүбүлүкэ экэниэмикэ миниистирин солбуйааччы Анна Кокорина олохтоохторго табаары түргэник тиэрдиини таһынан саҥа логистика киинэ Саха сирин дьоҕус уонна орто биисинэһэ сайдыытыгар кыахтары арыйыа диэтэ.

Wildberries & Russ сортировкалыыр киин бырайыага ситэриллэр-хоторуллар. Өрүттэр хайдах ситиһиилээхтик олоххо киллэриини ырыталлар.

Санаттахха, РВБ хампаанньа   Дьокуускайга 30 тыһ. кв. м тахса иэннээх ыскылаат комплексын 1,8 млрд солк. үбү уган уонна 900 үлэ миэстэтин таһааран, тутар былааннаах.

Сиһилии:https://www.sakha.gov.ru/news/14820