Хаартыска: Андрей Сорокин, СИА.
Судаарыстыбаннай түмүктүүр аттестациянан (эксээмэн) эрэгийиэннэри сыаналааһын түмүгэр, Саха сирэ “күөх” зонаҕа киирбит.
Ааспыт нэдиэлэҕэ Үөрэҕи уонна билими кэтээн көрөр федеральнай сулууспа тэрийиитинэн үөрэх хаачыстыбатын сыаналааһыҥҥа Бүтүн Арассыыйатааҕы кэмпириэнсийэ буолан ааспыта. Туһааннаах мунньахха дойду бары эрэгийиэннэрин үөрэҕин салайааччылара кыттыбыттара.
Тэрээһиҥҥэ үөрэх систиэмэтин сайдыытыгар, судаарыстыбаннай түмүктүүр аттестацияны хааччыйыыга информационнай технологияны сайыннарыы боппуруостарын ырыппыттар, быйылгы сыллааҕы биир кэлим эксээмэн (ЕГЭ), сүрүн судаарыстыбаннай эксээмэн (ОГЭ) хаачыстыбатын, төһө сөпкө ыытыллыытын сыаналааһын түмүгүн таһаарбыттар. Итиэннэ кэлэр сыллааҕы соруктары туруорбуттар.
“Эксээмэн ыытыллыытын түмүгүнэн Саха Өрөспүүбүлүкэтэ 85 эрэгийиэнтэн 39-с миэстэни ылан, “күөх” зонаҕа киирдэ (2023 сыллаахха – 68-с миэстэ этэ). Эрэгийиэннэр үөрэхтэрин систиэмэтин үлэтин түмүгүн таһааралларыгар 6 киритиэрийинэн уонна биир кэлим эксээмэн сүрүн түһүмэҕин хаачыстыбатын көрдөрүүтүн, төһө кырдьыктаахтык ыытыллыбытын 46 көрдөрүүнэн сыаналыыллар.
Үөрэҕи уонна билими кэтээн көрөр федеральнай сулууспа Саха сиригэр быйыл эксээмэн ыытыллыытын көдьүүһүн, саҥа тэрийэр-технологическай быһаарыылары киллэриитин үрдүктүк сыаналаата. Бу түмүгү ырытан көрөргө уонна 2025 сыллааҕы былааны оҥорорго өрөспүүбүлүкэҕэ суолталаах түһүмэх” – диэн Үөрэх уонна билими министиэристибэтэ иһитиннэрэр.
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…