Хаартыска: Мария Васильева, СИА.
Өрөспүүбүлүкэҕэ төрөөбүт тыллары чөл хаалларыы, сайыннарыы бырагыраамата үлэлиэҕиттэн, кэлин тылга болҕомто күүһүрдэ. Оннооҕор, биир билэр омук тылын учуутала: “Тоҕо сахалыы блогер буолбаккын, билигин саха тыла муода буолла дии”, — диэн этэн аһарбыттаах.
“Саха Өрөспүүбүлүкэтин үөрэҕин тэрилтэлэригэр үөрэтиллэр төрөөбүт тылларынан саха, эбээн, эбэҥки, дьүкээгир, чукотка тыллара ааттаналлар.
Өрөспүүбүлүкэтээҕи сүрүн эксээмэн (основной республиканский экзамен) уонна өрөспүүбүлүкэтээҕи биир кэлим эксээмэн (единый республиканский экзамен) баар буолан, оскуолаларга төрөөбүт тыллары уонна литэрэтиирэни үөрэтии кыаҕа кэҥээтэ, үүнэр көлүөнэ, ыччат уонна төрөппүттэр ортолоругар өрөспүүбүлүкэҕэ төрөөбүт тылы киэҥник тарҕатыы уонна чөл хаалларыы үрдээтэ. Өрөспүүбүлүкэтээҕи сүрүн эксээмэни уонна өрөспүүбүлүкэтээҕи биир кэлим эксээмэни оҕолор талар биридимиэт быһыытынан туттараллар. Өрөспүүбүлүкэтээҕи эксээмэн ЕГЭ, ОГЭ курдук оскуоланы бүтэрэр эксээмэн эрэ курдук буолбакка, үрдүк үөрэххэ киирэр (вступительным) эксээмэнинэн буолла”, — диэн СӨ Үөрэх хаачыстыбатын кэтээн көрөр киин саайтыгар суруллар. Сиһилии ыйыллыбыт сигэни баттаан ааҕыаххытын сөп.
Манна даҕатан эттэххэ, эрдэ тустаах киин иһитиннэрбитинэн, быйыл өрөспүүбүлүкэтээҕи биир кэлим эмсээмэни быйыл 13 оҕо, былырыын 7 оҕо туттарбыт. Ити курдук, сыыйа элбээн истэллэр бэрт этэ. Итиэннэ тустаах биридимиэттэри талан туттарар оҕолору көҕүлүүр туһугар, судаарыстыбаннай бырагыраама үлэлиир кэмигэр туох эрэ хайҕабыл, өйөбүл киирэрэ бэрт этэ. Холобур, өрөспүүбүлүкэтээҕи эксээмэни талан туттарбыт оҕо ханнык баҕарар үөрэххэ киирэригэр, тус ситиһии курдук кыра да буоллар баал эбэллэрэ буоллар, төрөппүттэр оҕолоругар төрөөбүт тыл туһалаах диэн өйдөбүлү иҥэриэх этилэр. Аныгы оҕо эйгэтэ биллэ нууччатыйан, саха тылын эбии ноҕорууска курдук көрөрө баар суол.
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…
Дьокуускайга Эргэ куорат биир дириҥ устуоруйалаах, мааны, сэргэх, сырдык оҥоһуулаах оройуонунан биллэр. Манна киһи күнүстэри,…