Элбэх оҕолоох ийэ 11 ыйга көҥүлэ быһылынна

Саха сирин 43 саастаах олохтооҕо дьахтар алименын төлөөбөккө, холуобунай эппиэтинэскэ тардыллыбытын туһунан СӨ Суут бириистэптэрин управлениетын пресс-сулууспата иһитиннэрэр.

Кини биэс оҕотун эппэкииннэр иитэллэр, ону көрүүгэ-истиигэ анаммыт алименын төлөөбөккө сылдьыбыт.

Ийэ арыгы иһэринэн, оҕолорун соҕотохтуу хаалларарынан, дьиэтигэр туора эр дьону аҕаларынан сибээстээн, суут төрөппүт быраабыттан быспыт. Аны оҕолорун иитиигэ ый аайы хас биирдии оҕотугар 4,5 тыһ.солк. ыытыахтаах эбит.

Дьахтар бу эбээһинэстэрин толорботох, итиэннэ эрдэ административнай уонна холуобунай эппиэтинэстэргэ тардылла сылдьыбыт. Онон саҥа холуобунай дьыала тэриллибит.

Суут кинини буруйдааҕынан ааҕан, 11 ыйга көҥүлүн быспыт.