Салгыы
Элбэх оҕолоох ийэлэргэ – Ийэ Албан аата

Элбэх оҕолоох ийэлэргэ – Ийэ Албан аата

03.03.2023, 17:40
Андрей Сорокин (СИА) хаартыскалара
Бөлөххө киир:

Кулун тутар 2-3 күннэригэр Дьокуускай куоракка «Үлэ киһитэ – саҥа ыҥырыылар уонна кыахтар» диэн гражданскай пуорум ньиргийэн ааста. Бастакы күн өрөспүүбүлүкэ бары улуустарыттан кэлбит актыбыыстар, уопсастыбанньыктар биэс хайысханан үлэлээтилэр.

Бүгүн пуоруму түмүктүүр пленарнай мунньахха Ил Дархан Айсен Николаев кытынна. Кини киирии тылы этэригэр, билигин дойдуга буола турар балаһыанньаны кэпсээтэ, Саха сирин олохтоохторо байыаннай дьайыылар кыттыылахтарыгар уонна кинилэр дьиэ кэргэттэригэр туох баар кыахтарынан көмөлөһөллөрүнэн, киэн туттарын бэлиэтээн эттэ. Чуолаан, олоҕу-дьаһаҕы хамсатааччы дьахталлар буолалларын, билиҥҥи кэмҥэ оҕону иитии боппуруоһа күүскэ турарын уонна онно дьиэ кэргэн, ийэ оруола сүҥкэн суолталааҕын бэлиэтээтэ.
«Биһиги актыбыыстарбыт, уопсастыбанньыктарбыт, волонтердарбыт ис сүрэхтэриттэн көмөлөһөллөрүттэн, Арассыыйа састаабыгар киирбит саҥа эрэгийиэннэри, Донбаас, Кировскай куораттарга улахан көмөнү оҥороллорунан киэн туттабын», – диэн эттэ Айсен Николаев.
Ил Дархан итини тэҥэ быйыл Саха сиригэр Үлэ сыла биллэриллибитинэн, муниципальнай тэриллиилэр салайааччыларыгар туһаайан үлэһит киһиэхэ болҕомто ууруллуохтааҕын, үлэлиэн баҕалаах киһини анал үөрэххэ үөрэттэрэр, үлэнэн хааччыйар кыаҕы биэрэргэ эттэ. Онуоха «Олохтоох каадыры – бырамыысыланнаска» өрөспүүбүлүкэтээҕи бырайыак баарын санатта.
Итини сэргэ, Айсен Николаев уопсастыбанньыктар уонна актыбыыстар дьону сомоҕолуур, биир дьыалаҕа көҕүлүүр кыахтаахтарын бэлиэтээтэ. Онон гражданскай пуорум актыбыыстара уопсастыбаны, былааһы, биизинэһи ситимниир, дьону хамсатар кыахтааххытын, салгыы үлэ онно туһаайыллыан баҕарарын эттэ.
Салгыы Айсен Николаев элбэх оҕолоох ийэлэри үөрүүлээх быһыыга-майгыга эҕэрдэлээтэ, судаарыстыбаннай наҕараадалары туттарда. Кини элбэх оҕолоох ийэлэринэн сирэйдээн Саха сирин бары кэрэ аҥардарын сааскы маҥнайгы бырааһынньыгынан – Дьахталлар аан дойдутааҕы күннэринэн, эҕэрдэлээтэ. Ил Дархан дьиэ кэргэн сылаас холумтанын араҥаччылааччы, дуохуобунай сыаннастары тутуһаааччы, патриоттары ииппит ийэлэри ураты истиҥник ытыктыырын бэлиэтээтэ.
Пленарнай мунньах аһыллыытыгар Ил Дархан оҕону иитиигэ үтүөлэрин, дьиэ кэргэн үгэстэрин сайыннарыыга уонна харыстааһыҥҥа, бөҕөргөтүүгэ кылааттарын иһинэлбэх оҕолоох ийэлэргэ үрдүк наҕараадалары туттарда.
«Ийэ Албан аата» бэлиэ III истиэпэнинэн сэттэлии оҕолоох: Виктория Афанасьева, Любовь Винокурова, Иванна Докторова, Евдокия Заровняева, Ольга Оконушкина, Анна Фёдорова уонна Мария Ымыкова ыллылар. «Ийэ Албан аата» бэлиэ I истиэпэнинэн тоҕустуу оҕолоох Февронья Васильева уонна Мария Слепцова наҕараадалннылар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
22 июня
  • 14°C
  • Ощущается: 13°Влажность: 77% Скорость ветра: 0 м/с

Сообщить об опечатке

Текст, который будет отправлен нашим редакторам: