Салгыы
Өлөөн оскуолатыттан тиэхиньикэ ыытар бырааптаах тахсаллар

Өлөөн оскуолатыттан тиэхиньикэ ыытар бырааптаах тахсаллар

06.03.2023, 17:17
Өлөөн улууһун үөрэх управлениетын начаалынньыга М.Иванова.
Бөлөххө киир:

Ыарахан суоллаах-иистээх Өлөөҥҥө оҕолору эбии үөрэхтээһиҥҥэ улахан болҕомто ууруллар эбит. Ол киин сиртэн тэйиччи олорор оҕолор идэ, билии ылан тахсалларыгар олус көмөлөөх.  

Ол курдук, Х.М.Николаев аатынан Өлөөн орто оскуолатыгар бураны, квадроциклы ыытыыга, “В” категориялаах массыына ыытар быраабы ылыыга үөрэтэр буолбуттар. Анаан-минээн анал кэбиниэти оҥорбуттар. 9-11 кылаастар үөрэнэллэригэр олус абыраллаах, көмөлөөх. Манна истиэнэҕэ ыйаммыт көрдөрөр тэриллэр – быраабылалар, хаартысканан-ойуунан кэпсээһин, кэбиниэт ортотугар турар матасыыкыл үөрэнээччини интэриэһиргэтэн эрдэхтэрэ. “Автодьыала” диэҥҥэ үөрэтиини 2022 сыллаахха арыйбыттар. Улуус сайдыытыгар бэйэтин умнуллубат суолун-ииһин хаалларбыт оччотооҕу баһылыктара Александр Степанович Иванов автодром бэлэхтээбит. Онон бу автодромҥа массыынаны ыытыыга практическай чааһыгар бэлэмнэнэллэригэр олус табыгастаах буолсу.

Саамай үчүгэйэ диэн олохтоох нэһилиэнньэни эмиэ үөрэтэллэр. Ол курдук, былырыын 60 киһини суудунаны (мотуордаах оҥочону) ыытыыга үөрэппиттэр. Холобура, итиччэ киһи Дьокуускайга ол быраабы ылаары төттөрү-таары айанныырын ороскуотун суоттаан кэбиһиҥ.

— Оскуола үөрэнээччилэрэ эбии үөрэххэ үөрэнэн, билии ылан олох киэҥ аартыгар тахсаллара, биллэн турар, инники тус олохторугар көмөлөөх буолуоҕа. Онон Өлөөн оскуолатын иһинэн эбии үөрэхтээһиҥҥэ лицензия ылан, 2019 с. үлэ саҕаламмыта. Оҕолорбут парикмахер да идэтин ылан тахсаллара үчүгэй. Улууспут таба иитиитинэн дьарыктанар, онон табаһыттары үөрэтии эмиэ эбии үөрэхтээһиҥҥэ киирсэр. Инникитин кулинарияҕа үөрэтиэхпитин баҕарабыт, — диэн кэпсээтэ Өлөөн улууһунааҕы үөрэх управлениетын начаалынньыга Мария Христофоровна Иванова.

Хаартыска: ааптар түһэриитэ

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
30 мая
  • 16°C
  • Ощущается: 15°Влажность: 55% Скорость ветра: 2 м/с

Сообщить об опечатке

Текст, который будет отправлен нашим редакторам: