Оҕо иитэ ылбыттар уоппуска ылар бырааптара уһаата

Дойду Бырабыыталыстыбата оҕо иитэ ыларга уоппуска биэрии быраабылатын бигэргэттэ. Уураах 2025 сыл балаҕан ыйын 1 күнүттэн 2031 сыл балаҕан ыйын 1 күнүгэр диэри үлэлиэҕэ диэн Бырабыыталыстыба саайтыгар сурулунна.

Саҥа быраабылалар ааспыт 2001 сылга бигэргэтиллибит бырабыылаларга майгыннаһаллара бэлиэтэнэр, ол эрээри ол балаһыанньалар бу сыл балаҕан ыйын 1 күнүгэр күүстэрин сүтэриэхтээхтэр. Илии баттаммыт саҥа уураах  быраабыланы уһатан биэрэр.

«Уруккутун курдук, оҕону иитэ ылбыт үлэһит оҕо төрөөбүт күнүттэн 70 хонукка эбэтэр 110 хонукка оҕону иитэ ыллаҕына уоппуска күннэрин аахсар бырааптаах», — диэн бырабыыталыстыбаҕа быһаардылар. Ону кытта оҕо иитэ ылбыт ийэлэргэ, оҕо күүтэр уонна төрөөбүт дьахталларга бэриллиэхтээх бары босуобуйаны ылар бырааптаналлар. Итини кытта үлэһиттэр уоппускаларын кэнниттэн оҕо үс сааһыгар диэри уоппуска оҥотторуохтарын сөп.