Өлөөн улууһун үөрэх управлениетын начаалынньыга М.Иванова.
Ыарахан суоллаах-иистээх Өлөөҥҥө оҕолору эбии үөрэхтээһиҥҥэ улахан болҕомто ууруллар эбит. Ол киин сиртэн тэйиччи олорор оҕолор идэ, билии ылан тахсалларыгар олус көмөлөөх.
Ол курдук, Х.М.Николаев аатынан Өлөөн орто оскуолатыгар бураны, квадроциклы ыытыыга, “В” категориялаах массыына ыытар быраабы ылыыга үөрэтэр буолбуттар. Анаан-минээн анал кэбиниэти оҥорбуттар. 9-11 кылаастар үөрэнэллэригэр олус абыраллаах, көмөлөөх. Манна истиэнэҕэ ыйаммыт көрдөрөр тэриллэр – быраабылалар, хаартысканан-ойуунан кэпсээһин, кэбиниэт ортотугар турар матасыыкыл үөрэнээччини интэриэһиргэтэн эрдэхтэрэ. “Автодьыала” диэҥҥэ үөрэтиини 2022 сыллаахха арыйбыттар. Улуус сайдыытыгар бэйэтин умнуллубат суолун-ииһин хаалларбыт оччотооҕу баһылыктара Александр Степанович Иванов автодром бэлэхтээбит. Онон бу автодромҥа массыынаны ыытыыга практическай чааһыгар бэлэмнэнэллэригэр олус табыгастаах буолсу.
Саамай үчүгэйэ диэн олохтоох нэһилиэнньэни эмиэ үөрэтэллэр. Ол курдук, былырыын 60 киһини суудунаны (мотуордаах оҥочону) ыытыыга үөрэппиттэр. Холобура, итиччэ киһи Дьокуускайга ол быраабы ылаары төттөрү-таары айанныырын ороскуотун суоттаан кэбиһиҥ.
— Оскуола үөрэнээччилэрэ эбии үөрэххэ үөрэнэн, билии ылан олох киэҥ аартыгар тахсаллара, биллэн турар, инники тус олохторугар көмөлөөх буолуоҕа. Онон Өлөөн оскуолатын иһинэн эбии үөрэхтээһиҥҥэ лицензия ылан, 2019 с. үлэ саҕаламмыта. Оҕолорбут парикмахер да идэтин ылан тахсаллара үчүгэй. Улууспут таба иитиитинэн дьарыктанар, онон табаһыттары үөрэтии эмиэ эбии үөрэхтээһиҥҥэ киирсэр. Инникитин кулинарияҕа үөрэтиэхпитин баҕарабыт, — диэн кэпсээтэ Өлөөн улууһунааҕы үөрэх управлениетын начаалынньыга Мария Христофоровна Иванова.
Хаартыска: ааптар түһэриитэ
Ил Дархан Айсен Николаев Алдан оройуонун баһылыгын Александр Шестопаловы кытта көрүстэ. Кэпсэтии кэмигэр өрүттэр муниципалитет…
Бүтүн Арассыыйатааҕы "Улахан этнографическай дьыктаан" сырдатар аахсыйа сэтинньи 1-8 күннэригэр буолуоҕа. Быйыл онус төгүлүн ыытыллар…
РФ бырабыыталыстыбата Тиксии-Найба агломерациятын социальнай-экэнэмиичэскэй сайдыытын кэлим уһун болдьохтоох былаанын бигэргэттэ. Кэлим былаан биир суолталаах…
Бүгүн хара сарсыардаттан, харахпытын хайа тардыахпытыттан социальнай ситимнэринэн, мессенджеринэн: “Эбээ, эһээ” күнүнэн диэн араас хартыыналары,…
Тэрээһин оҕолор олохторун уонна доруобуйаларын харыстыырга, уустук олохтоох дьиэ кэргэттэри буларга уонна оҕону атаҕастааһын түбэлтэлэрин…
Сэтинньи саҥатыгар бырааһынньык күннэрэ түбэһэллэринэн, оҕо босуобуйалара эрдэ түһүөхтэрэ диэн Социальнай пуонда Саха сиринээҕи салаата…