“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.
СОМОҔО КҮҮҺҮНЭН ӨЙҮҮБҮТ КЫАЙЫЫНЫ
Аан дойду үрдүнэн хара дьай сабардаан,
Алдьархай ааҥнаабыт аймалҕан айдаана
Күннэри-түүннэри уйулҕа уйгуурдан,
Күн сирин курустук кууспахтаан эрдэҕиҥ.
Адьарай адьынат байартан топпокко,
Ымсыырбыт иҥсэтин кыатана туппакка,
Бырааттыы омугу утары туруортаан,
Сэриинэн суудайан силлиэрэ көттөҕүҥ.
Эр санаа күргүөмнүү күүһүрэр күөнүнэн
Саа-саадах тутаҥҥыт өстөөҕү самнара,
Дойдубут туһугар тыыҥҥытын кэрэйбэт
Бухатыыр Боотурдар мунньуста охсоҥҥут.
Уу-нуурал олоҕу, чуумпуну көмүскүү,
Сир-дойду үрдүнэн эйэни тутуһа,
Кырыктаах кыргыһыы уотуттан чаҕыйбат
Эрэллээх буойуттар айаҥҥа турдугут.
Билэбит биһиги — кырдьыкпыт килбэйиэ,
Бүтэйдии эрэнэр эрэлбит улахан,
Бар дьоҥҥут туһугар бардыгыт арҕаалыы
Бандера нассыыһын утары охсуһа.
Өрөгөй үөрүүлээх, улуукан кыайыылаах
Эргиллэн кэлээриҥ этэҥҥэ буолаҥҥыт.
Хаалбыттар түмсэммит сомоҕо күүһүнэн
Өйүүбүт кыайыыны уһансар дьоммутун!
Хоту арктическай улуустары аһынан-табаарынан хааччыйыы биир тирээн турар сорук буолар. Сайынын уу суолунан таһаҕас тиэммит…
Бүлүү улууһун Үгүлээт нэһилиэгиттэн байыаннай дьайыыга сулууспалыы сылдьар "Малой" диэн позывнойдаах байыас Бүлүү улууһун олохтоохторугар,…
Орто Халыма куорат маастара Алексей Егорович Тарасов кэлэр сыл бэлиэтин -- Моҕойу хаартан оҥордо. [gallery…
Т-80 тааҥка “Алеша” экипаһа ВСУ холуоннатын тоҕута сынньан дьоруойдуу быһыыны оҥорбутун күөх экраҥҥа көрбүппүт. Бу…
Дьокуускайга "Надежда" уһуйаан иитиллээччилэригэр Тымныы Оҕонньор уонна Хаарчаана түннүгүнэн көстөн ааспыттар. Оҕолор үөрүүлэрэ муҥура суох. …
Саха сиригэр ааспыт сууккаҕа биэс буруйу оҥоруу тахсыбытын туһунан СӨ борокуратуура иһитиннэрэр. Мииринэй оройуонугар дьахтар…