Өлөөҥҥө икки киһи өлүүлээх баһаар буолла

Муус устар 27 күнүгэр баһаарынай-быыһыыр сулууспаҕа Өлөөн сэлиэнньэтин Заложнай уулуссаҕа 4 кыбартыыралаах дьиэҕэ уот турбутун туһунан иһитиннэрии киирбит.

Бастаан утаа эбэх кыбартыыралаах дьиэҕэ веранда умайбыта быһаарыллыбыт. Баһаар түмүгэр 29 кв. м. иэннээх биир кыбартыыра толору умайбыт, хомойуох иһин, миэстэтигэр  1985 с.т. дьахтар уонна 1974 с.т. эр киһи өлүктэрэ булуллубуттар. Баһаар төрүөтэ, буруйдаахтар уонна хоромньу быһаарыллар. Уоту умуруорууга 7 баһаарынай уонна 2 тиэхиньикэ үлэлээбит. Бу туһунан СӨ ЫБММ пресс-сулууспата иһитиннэрэр.