Чурапчы улууһугар саанан ытыалаһыыга биир киһи бааһырда

Саха сиригэр өссө биир саанан ытыалаһыы быһылаана буолла.

Бу сырыыга саанан ытыалаһыы Чурапчы улууһугар бэлиэтэннэ. ИДьМ оройуоннааҕы отделын үлэһитэ иһитиннэрбитинэн, быһылаан икки киһи кыттыылаах ыам ыйын 7 күнүгэр Мырыла сэлиэнньэтин таһыгар буолбут. Биир бааһырбыт киһи баар.

«Оройуоннааҕы отделга саанан ытыалаһыы туһунан иһитиннэрии киэһэ 19:00 чаас кэнниттэн киирбитэ. Үлэһиттэр суһаллык быһылаан буолбут сиригэр айаннаабыттара. Биир эмсэҕэлээччи киһини санрейсэнэн бөртөлүөтүнэн Дьокуускайга көтүппүттэрэ. Уорбаланааччы тутуллубута. Билигин тахсыбыт быһылаан төрүөтүн быһаарарга миэстэтигэр силиэстийэлээччилэр үлэлииллэр», — диэн СИА-ҕа Чурапчы оройуонун ИДьМ үлэһитэ иһитиннэрдэ.

Быраабы араҥаччылыыр уорганнарын үлэһиттэрэ былаан быһыытынан оптуорунньукка уот араарыллыбытынан, сибээс суоҕун бэлиэтээтилэр. Эниэргийэнэн хааччыйыы Чурапчы улууһун үрдүнэн 16:00 ч. диэри былааннаах өрөмүөн үлэтин кэмигэр хааччахтаабыттара биллэр.