Бу сыл бүтүөр диэри Өлүөхүмэ улууһун Селиваново сэлиэнньэтигэр инбэлииттэр, кырдьаҕастар интэринээт-дьиэлэрэ тутуллан киириэхтээх. Бу эбийиэк “Демография” национальнай бырайыак “Аҕам саастаах көлүөнэ” федеральнай бырайыагын үбүлээһининэн тутуллар. Үлэ, социальнай сайдыы миниистирин солбуйааччы Алексей Александров тутуу хайдах бара турарын көрөн-истэн, билсэн кэллэ.
— Бу хонтуруолунай бэрэбиэркэбит буолар. Эбийиэк иэнэ 7014 кв.м., 3 куорпустаах. Икки куорпуска дьон олоруоҕа, үһүс куорпус сынньанарга, доруобуйаны чөлүгэр түһэрэргэ аналлаах. Бу сыл бүтэһигэр диэри тутуллан бүтүөхтээх. Тутар-таҥар үлэ бүтэн турар. Ис үлэтэ түмүктэнэн эрэр. Тутааччыларга ирдэбил улахан. Саҥа, сырдык, киэҥ, толору хааччыллыылаах дьиэҕэ интэринээт олохтоохторугар быдан хаачыстыбалаах өҥөлөрү оҥоруохпут диэн эрэнэбин, — диэн Алексей Александров бэлиэтээтэ.
Бүгүҥҥү күҥҥэ итэринээт-дьиэҕэ 200-тэн тахса киһи үлэлиир, бары улуустартан кэлбит, көрүүгэ-истиигэ наадыйар 376 киһи олорор.
— Үһүс куорпуска мастарыскыайдар баар буолуохтара. Дьоммут иллэҥ кэмнэригэр таах олорбокко, кыахтарын иһинэн үлэлээн, реабилитацияны ааһыахтара. Ону тэҥэ, доруобуйаны чөлүгэр түһэрэргэ аналлаах хостор, таҥас сууйар сир, спортивнай саала баар буолуохтара, — диэн интэринээт-дьиэ дириэктэрэ Афанасий Петров кэпсиир.
Миниистири солбуйааччы Өлүөхүмэҕэ кэлэн, улуус дьаһалтатын, социальнай управление үлэһиттэрин кытары көрүстэ. Сокуоннай саастарын ситэ илик оҕолор социальнай-реабилитационнай кииннэригэр, Инбэлииттэри кэлим реабилиатциялааһын киинигэр сырытта.
Кыайыы күнэ. Муҥура суох үөрүү, харах уута аргыстаах, кыырыктыйбыт чанчыктаах, өрөгөйдөөх бырааһынньык! Ити билигин, итинник…
Бу хаартыска 1975 сыллаахха Кыайыы 30 сылыгар түһэриллибит. Урут хаартысканан түһэрии үөдүйэн турдаҕына дьарыктана сылдьан…
Аҕа дойду уоттаах сэриитигэр Улуу Кыайыы 80 сылынан Ем.Ярославскай түмэлигэр “Реликвии Великой Отечественной…” быыстапка буолла.…
1827 сыллаахха атыыһыттар көҕүлээһиннэринэн, үпкэ-харчыга тус кыттыһыыларынан Дьоҕус баһаарга тутаах дьиэни 1830 сыллаахха диэри туттарбыттар…
Бүгүн, ыам ыйын 11 күнүгэр, уочараттаах оһуокай Арчы дьиэтигэр үрдүк таһымнаахтык ыытылынна. Үс Дьоруойдаах Бүлүү…
Бүгүн, ыам ыйын 11 күнүгэр, 14.57 ч. Мэҥэ Хаҥалас улууһуттан ЕДДС дьуһуурунайыттан Мэҥэ Хаҥалас улууһун…