Өлүөхүмэҕэ “Мөрүөнэп ааҕыылара” буолан ааста

Тохсунньу 18 күнүгэр чулуу бэйиэт Вениамин Павлович Миронов төрөөбүтэ 90 сылыгар аналлаах «Мөрүөнэп ааҕыылара» бэрт тэрээһиннээхтик буолан ааста. Биллэрин курдук, бэйиэт төрөөбүт түөлбэтигэр I Нөөрүктээйи нэһилиэгэр. Нэһилиэк дьоно сомоҕолоһон, олус кыһаллан көрүстүлэр. Кыттааччы элбэҕэ уонна кыһамньылаахтык бэлэмнэммиттэрэ тэрээһин таһымнааҕын туоһулуур.

Тэрээһини иилээн-саҕалаан, олус бэрткэ тэрийбит дьоҥҥо, чуолаан Абаҕа орто оскуолатын саха тылын, литэрэтиирэтин учуутала Раиса Уйгуроваҕа, Кыыллаах нэһилиэгин бибилэтиэкэригэр Раиса Лаверноваҕа «Чароит» улуустааҕы суруйааччылар түмсүүлэрин аатыттан истиҥ махталбын тириэрдэбин.

Үүммүт 2024 сыл Өлүөхүмэ улууһугар Төрүт тыл сылынан биллэриллибитэ. Биллиилээх киһибит үтүмэн сааһын бэлиэтиир сыл, улууспутугар Төрөөбүт тыл сылыттан саҕаламмыта ураты бэлиэ. Бу курдук тэрээһиннэр салгыы саргылыахтара, тэтимнии тэлэһийиэхтэрэ диэн эрэнэбин.

Мария Ларионова, СӨ култууратын үтүөлээх үлэһитэ, Өлүөхүмэ суруйааччыларын түмсүүтүн салайааччыта.