Өлүөхүмэҕэ ойуур кыылларын аһаталлар

Кыһыҥҥы кэмҥэ кыыл-сүөл ордук эбии аһылыкка наадыйар. Эбии аһылыгы, тууһу уонна сэбирдэхтээх талахтары дьиикэй кыыллар сылдьар сирдэригэр ууруу, кыһын ордук наадалаах.

Төһө да тымныы күн-дьыл турбутун иһин, Өлүөхүмэ улууһун иниспиэктэрдэрэ дьиикэй кыыллары өрүү аһаталлар диэн СӨ экологияҕа министиэристибэтэ иһитиннэрэр.

Өлүөхүмэтээҕи судаарыстыбаннай экологическай кэтээн көрүү  кэмитиэтин салайааччыта Виктор Филиппов уонна судаарыстыбаннай иниспиэктэрдэр Семён Шараборин уонна Юрий Севрюгин бултуур сирдэри кэрийэн бэрэбиэркэлээтилэр.

Экология үлэһиттэрэ кыыллары аһатарга анаан тууһу куттулар уонна 30 талаҕы бэлэмнээтилэр.