Хаартыска: Ил Дархан, бырабыыталыстыба дьаһалтатын пресс-сулууспата.
Кулун тутар 6 күнүгэр Өлүөхүмэ куоракка ОДьКХ тэрилтэтин саҥа эбийиэгэ аһылынна. Бу 4,6 МВт кыамталаах «ОПНДИ-2» хочуолунай кытаанах уматыгынан үлэлиир. Тэрилтэ инвестиционнай бырагырааматын чэрчитинэн тутулунна.
Хочуолунай 200 миэстэлээх Өлүөхүмэтээҕи кырдьаҕастар, инбэлииттэр интэринээт-дьиэлэрин сылытар. Саха сирин биир кырдьаҕас социальнай тэрилтэтэ 2023 сыллаахха саҥа дьиэлэммитэ. Саҥа дьиэни дойду Бэрэсидьиэнэ көҕүлээбит «Демография» национальнай бырайыак «Аҕам саастаах көлүөнэ» федеральнай бырайыак үбүнэн тутуллубута.
Үөрүүлээх тэрээһиҥҥэ улуус баһылыга Николай Харбин, ОДьКХ тэрилтэ генеральнай дириэктэрин солбуйааччы Дмитрий Антонов, производственнай филиал дириэктэрэ Сергей Солдатов, муниципальнай тэриллии, үөрэх, социальнай тэрилтэлэр бэрэстэбиитэллэрэ кытыннылар.
2012 сылтан ОДьКХ тэрилтэ инвестиционнай бырагырааматынан уопсайа 25 МВт кыамталаах 4 хочуолунай, ууну ыраастыыр ыстаансыйа уонна линейнэй эбийиэктэр тутуллубуттара.
ОДьКХ тэрилтэ генеральнай дириэктэрэ Виталий Чикачев эппитинэн, Өлүөхүмэ улууһугар хомунаалынай инфраструктураны саҥардыыта салҕанар. 2024-2025 сылларга Өлүөхүмэ куоракка уонна Үҥкүр сэлиэнньэтигэр хочуолунайдары гааска көһөрүү, сылытыы ситимнэрин тутуу үлэтэ салҕаныаҕа.
Ил Дархан, бырабыыталыстыба дьаһалтатын пресс-сулууспата.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…