Өлүөхүмэҕэ сымыйа сыыры аҕалбыттар

Бу сыл бастакы кыбаарталыгар Новосибирскай куораттан сымыйа сыырдары аҕалбыттарын туһунан иһитиннэрии СӨ Россельхознадзорун управлениетыгар киирбит.

Ол курдук, Россельхознадзор иниспиэктэрдэрэ «Меркурий» ирдэбилинэн бэрэбиэркэ түмүгүнэн 170 кг (фальсифицированнай) сымыйа сыырдар Өлүөхүмэ урбаанньытыгар тиэрдиллибиттэрэ биллибит.

«Урбаанньыкка сымыйа сыырдары атыыттан устар туһунан сэрэтии ыытылынна. Дьыала матырыйааллара ИДьМ уонна СӨ борокуратуратыгар ыытыллыбыттар. Муус устар ыйга Өлүөхүмэ оройуонун Силиэстийэлиир салаата бэрэбиэркэлиир үлэни саҕалаата», — диэн Россельхознадзор Саха сиринээҕи салаатын пресс-сулууспата иһитиннэрэр.