Өлүөхүмэлэр окко туруммуттар

Өлүөхүмэ улууһугар ааспыт нэдиэлэҕэ кураан туран, дьон окко хото туруммута. Ол курдук, бэҕэһээҥҥи туругунан 2799 гектар охсуллубут.

Улуус үрдүнэн 541 звено окко киирбит. 25 көлө-илии,  33 илиинэн оттуур биригээдэ тэриллибит. Толору механизациялаах уонна ситэтэ суох механизациялаах биригээдэлэргэ  улаханнык эрэнэллэр. Отчуттар тэйиччи сытар учаастактарга эмиэ оттуу сылдьаллар. Ходуһаларга уопсайа 1308  киһи  сүөһүтүн-сылгытын сыл тахсар отун бэлэмниир.

Тыа хаһаайыстыбатын управлениетын начаалынньыга Афанасий Антонов иһитиннэрбитинэн, быйыл сайын 15300 туонна оту кэбиһиэхтээхтэр. Оттооһуҥҥа “Өлүөхүмэ кыладабыайа” ХЭТ 3 звенота атыттарга холобур буолар.