Өлүөнэ очуостарын анныгар олимпийскай чөмпүйүөннэр хоккей оонньуохтара

Кулун тутар 19 күнүгэр «Азия оҕолоро» спортивнай оонньуулар уоттарын уматыытын сиэрин-туомун кэмигэр  Өлүөнэ очуостарын анныгар «Легенды России» уонна «Ветераны хоккея Якутии» хамаандалар күөн көрсүөхтэрэ. «Легенды России» хамаандатын састаабыгар Олимпиада, Европа, аан дойду хас да төгүллээх чөмпүйүөннэрэ, призердара киирдилэр.

Саха сирин шайбалаах хоккейын федерацията иһитиннэрэринэн, мууска Олимпиада чөмпүйүөннэрэ Вячеслав Фетисов, Александр Якушев, Алексей Касатонов, Алексей Гусаров, Сергей Шепелев, Александр Могильнай, Валерий Каменскай, Евгений Давыдов, Борис Миронов, Вячеслав Буцаев уонна аан дойду үс төгүллээх чөмпүйүөнэ Ирек Гимаев тахсыахтара.

Саха сирин бэтэрээннэрин хамаандатын састааба биллэ илик. Билигин Өлүөнэ очуостарын анныгар каток кутан оҥоро сылдьаллар.

.