Эмис баһылыга Прокопий Бубякин ДНР-га айаннаата

Эмис баһылыга Прокопий Бубякин ДНР-га айаннаата

15.11.2022, 11:33
Бөлөххө киир:

Анал байыаннай эпэрээссийэҕэ кытта сылдьар биир дойдулаахтарбытыгар көмөнү оҥорууга улуустарынан, нэһилиэктэринэн, киин куоратынан түмсүүлээх үлэ бара турар.  Амма улууһун Эмис нэһилиэгин  баһылыга Прокопий Бубякин  биир дойдулаахтарыгар көмө илдьэр сыаллаах  Донецкай Норуодунай Өрөспүүбүлүкэҕэ айаннаата.

Бэҕэһээ Прокопий Бубякин оптуобуһунан Москваттан айаннаан, бүгүн сарсыарда номнуо Ростову аастылар. Прокопий Петровиһы кытары сибээстэһэ сылдьыбыппытыгар:

Билигин фроҥҥа олус уустук кэм бүүрүүкээн турар. Сэбилэниилээх күүстэрбитигэр өйөбүл, көмө хаһааҥҥытааҕар да наада. Дойдубар уустук балаһыанньа кэмигэр, бэйэм харчыбынан айаннаан, босхо үлэлии волонтерскай миссияҕа бардым. «Молодая гвардия»  Уһук Илиннээҕи координатора Василий Попов сырыыбын тэрийдэ. ДНР-га билигин Эмистэн  икки волонтер  уолаттар  баалларын таһынан, икки уол атын уобаластарга сэриилэһэ сылдьаллар.  Кинилэргэ кус, балык, халбаһы илдьэ баран иһэбин. Мариупольга Эдьигээн оройуонун бэрэстэбиитэллэрэ бааллар. Ол иһигэр Эдьигээн сэлиэнньэтин   баһылыга Степан Портнягин волонтердуу сылдьар. Кинилэр биир дойдулаахтарыгар рация сакаастаабыттара, — диэн кэпсээтэ.

Лента
Салгыы
28 ноября
  • -41°C
  • Ощущается: -41°Влажность: 72% Скорость ветра: 0 м/с