Итинник эрэл санаатын этэн туран, «Хаҥалас улууһа» муниципальнай оройуон баһылыгын социальнай боппуруостарга солбуйааччыта Юрий Никифоров дойду байыаннай чаастарыгар ытык иэстэрин толоро барбыт дьонноругар, кинилэр дьиэ кэргэттэригэр улуус ыытар үлэтин туһунан кэпсээтэ.
— Хаҥалас улууһуттан 146 киһи быстах хомуурга, 24 киһи бэйэтин баҕа санаатынан салайтаран дойду байыаннай чаастарыгар ытык иэстэрин толоро барбыттара. Бу уолаттарбыт дьиэ кэргэттэрин үп-харчы да өттүнэн, дьиэҕэ-уокка да көмө өттүнэн өйүү сылдьабыт.
Ол курдук, улуус дьаһалтатын саппаас пуондатыттан байыас дьиэ кэргэнигэр 10 тыһ. солкуобай уонна 18 сааһын ситэ илик хас биирдии оҕотугар 5 тыһ. солкуобай төлөнөр. Бу биирдэ төлөнөр харчынан көмө буолар.
Маны сэргэ, улууспутугар аһымал пуондата арыллыбыта. Манна тэрилтэлэр, биир дойдулаахтарбыт харчынан көмөлөрүн ыыталлар. Бу киирбит көмөттөн саллаакка бэйэтигэр 10 тыһ. солкуобайы ыытабыт. Бүгүҥҥү күн туругунан улахан аҥаара көмө харчыны ыллылар, докумуоннар өссө да чуолкайдана сылдьаллар.
Маны таһынан, нэһилиэктэргэ дьоммут дьиэ кэргэттэригэр муус ыллыбыт, муҥха балыгыттан бэристибит итиэннэ хайа да өттүнэн көмөлөһө сылдьабыт. Хорсун санаалаах саллааттарбыт дьиэ кэргэттэрэ соҕотохсуйбаттарын, тулаайах курдук санамматтарын туһугар кыһаллабыт. Эр хоһууттарбыт этэҥҥэ эргиллэн кэлиэхтэрэ диэн эрэнэбит!
2025 сыл талааннаах бастыҥ ыччатынан Эрхаан Слепцову ааттыыбыт. “Айхал” диэн Дьулусхан Андросов таһаарбыт сахалыы киинэҕэ…
Айсен Николаев ахсынньыга Туһаайан этиитигэр ааспыт сыл ситиһиитин кэпсээтэ, кэлэр сылларга сайдыы тосхолун торумнаата, парламент,…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Саха сирин арҕаа, соҕуруулуу-арҕаа ,…
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…