Эр киһи 11 саастаах оҕону охсубут

Дьокуускайга  полицейскайдар Жорницкай уулусса тиэргэнигэр тахсыбыт иирсээҥҥэ буруйдаах эр киһи ким буоларын быһаардылар.

Атырдьах ыйын 31 күнүгэр Дьокуускай полициятын 4-с нүөмэрдээх отделыгар олохтоох  дьахтартан сайабылыанньа киирбит. Ол курдук биир эр киһи дьахтар 11 саастаах уолун  футболкатыттан тардыбыт уонна охсубут.

Учаскуобай 34 саастаах эр киһини полиция отделыгар аҕалан кэпсэппит. Барыллааһын быһыытынан, дьахтар уонна эр киһи уоллаах кыыһа оҕо былаһааккатыгар айдаарсыбыттар. Ону билэн, эр киһи быһаарса барбыт.

Бэрэбиэркэ түмүгүнэн, эр киһи эппиэтинэскэ тардыллыаҕа.

Билигин Арассыыйа Силиэстийэлиир кэмитиэтин бэрэссэдээтэлин сорудаҕынан, туһааннаах иирсээнинэн бэрэбиэркэ ыытыллыаҕа.