Эр киһи массыынаттан докумуоннары уонна төлөпүөннэри уорбут

Дьокуускайга полиция 3-с №-дээх отделыгар эр киһи Кузьмин уул. парковкаланан турар массыынатыттан докумуоннара, баан каарталара уонна икки суотабай төлөпүөнэ сүппүтүн туһунан иһитиннэрбит. Уопсай хоромньу 45 тыһ.солк. тэҥнэспит. Бу туһунан СӨ ИДьМ пресс-сулууспата иһитиннэрэр.

Суһал-ирдиир үлэлэр ыытылланнар, полиция үлэһиттэрэ Ньурба улууһуттан төрүттээх эрдэ сууттана сылдьыбыт 25 саастаах киһи уорбаланарын быһаарбыттар.

Быһаарыллыбытынан, эмсэҕэлээччи массыынатын ааны хатаабакка, дьиэтин таһыгар аҕалан туруорбут. Уорбаланааччы дьиэ аттынан ааһан иһэн, ону бэлиэтии көрбүт уонна массыына солуонуттан маллары уорбут. Салгыы уорбут биир төлөпүөнүн атыылаабыт, ол харчытын тус наадаларыгар бараабыт. Уоруллубут сорох мал төннөрүллүбүт.

Уоруунан холуобунай дьыала тэрилиннэ.