Эр киһи Турцияҕа сынньана көтөөрү, 1 мөл.солк. иэһин төлөөбүт

Саха сирин биир оройуонугар суут быһаарыытынан, 32 саастаах эр киһи суол саахалын түмүгэр тахсыбыт материальнай хоромньуну толуйуохтаах эбит. Бу туһунан СӨ Суут бириистэптэрин пресс-сулууспата иһитиннэрэр.

Бу киһи «Мерседес» массыынаны бас билэр эбит. Суут быһаарыытынан хоромньуну төлүүр эбээһинэс киниэхэ сүктэриллибит. Иэһэ 1 мөл.солк. тахса буолбут.

Эр киһи Турцияҕа сынньана көтөөрү сылдьан, иэстээҕинэн сибээстээн Арассыыйа таһыгар тахсара көҥүллэммэтин туһунан иһитиннэриини туппут. Онон аҕыйах күн иһигэр иэһин толору төлөөбүт.