Эр киһи улаатан эрэр оҕону охсубутунан бэрэбиэркэ ыытыллар

Бүгүн күнүс 12:10 чааска ИДьМ Дьокуускайдааҕы 1-кы нүөмэрдээх полиция салаатын дьуһуурунай чааһыгар, дьахтар тиийэн, билбэт эр киһитэ 15 саастаах аймаҕа уолга (племянник) күүһүнэн өттөйбүтүн  иһитиннэрбит. Бу түгэн Тимирязев  уулусса дьиэтин таһыгар баар оҕо былаһааккатыгар буолбут.

Дьокуускайдааҕы 1-кы нүөмэрдээх полиция салаатын үлэһиттэрэ Орто Халыма улууһуттан төрүттээх 35 саастаах киһи буоларын быһаарбыттар.

Барыллаан чахчынан, уорбаланааччы уола аҕатыгар киирэн, оҕо былаһааккатыгар улаатан эрэр уол кинини атаҕастаабытын  туһунан үҥсүбүт. Эр киһи оҕотун атаҕастааччыны кытта быһаарса тиийбит, сокуоннай сааһын туола илик оҕону сиргэ охторон түһэрэн баран хаста даҕаны охсубут.

Билиҥҥитэ бэрэбиэркэ бара турар, суут-мэдиссиинэ бэрэбиэркэтэ анаммыт. Ол түмүгүнэн быһаарыы ылыныллыаҕа. Бу туһунан ИДьМ Дьокуускайдааҕы салаатын пресс-сулууспата иһитиннэрэр.