Салгыы
До выборов президента РФ
00 дней
:
00 часов
:
00 минут
:
00 секунд
Эрэгийиэннээҕи «итии лииньийэ» байыаннай сулууспалаахтар уонна кинилэр дьиэ кэргэттэрин боппуруостарын, кыһалҕаларын быһаарыыга көмөлөһөр

Эрэгийиэннээҕи «итии лииньийэ» байыаннай сулууспалаахтар уонна кинилэр дьиэ кэргэттэрин боппуруостарын, кыһалҕаларын быһаарыыга көмөлөһөр

Ааптар:
10.01.2023, 12:07
Бөлөххө киир:

2023 сыл саҥатыттан эрэгийиэннээҕи «итии лииньийэҕэ» (122 нүөмэр)  389-та эрийэн, байыаннай эпэрээссийэҕэ сыһыаннаах араас хабааннаах ыйытыылары биэрбиттэр. Бу туһунан  эрэгийиэннээҕи  «итии лииньийэ» салайааччыта Мария Винокурова иһитиннэрдэ. 

«Үгүс ыйытыы быстах хомуурга ыҥырыллан барбыт байыастар сибээскэ тахсыбатахтарын кытта сибээстээх. Кинилэр туруктарын, хайдах-туох, ханна сылдьалларын туһунан ыйыталлар. Ону тэҥэ, бааһырбыт байыастарга уонна кинилэр дьиэ кэргэттэригэр хайдах-туох көмөлөһөр туһунан элбэх ыйытыы киирдэ», – диэн Мария Винокурова иһитиннэрдэ.
Мария Винокурова бу күннэргэ байыаннай эпэрээссийэ буола турар сиригэр-уотугар смартфоннары туһаныы уонна хаартыскаҕа түһэрии, видеоҕа устуу адьас бобуллубутун туһунан иһитиннэрдэ. Байыаннай чааска баар анал төлөпүөннэртэн хамандыыр көҥүллээтэҕинэ эрэ кэпсэтэр кытаанах эрэсиим киирбит. Маннык эрэсиим киирбитэ тоҕото өйдөнөр.

«Байыаннай сулууспалаахтар сибээскэ тоҕо тахсыбаттарын туһунан ыйытыыны РФ Оборуонаҕа министиэристибэтин исписэлииһигэр тута аһарабыт. Кини итинник тустаах ыйытыыларга сиһилии хоруйдуур. Санатар буоллахха, чугас аймахтара эрэ итинник ыйытыыны биэриэхтээхтэр, чугас аймахтарыгар эрэ хоруйдууллар», – диэн Мария Винокурова быһаарар.  «Итии лииньийэҕэ» олоххо-дьаһахха сыһыаннаах араас хабааннаах ыйытыылар киирэллэр. Холобур, тохсунньу 5 күнүгэр байыаннаах сулууспалаах ийэтэ уонна балта кини чуолкай бааһырбытын билээри эрийбиттэр.  «Биһиги исписэлиистэрбит кинилэри тута РФ Оборуонатын министиэристибэтин исписэлииһин кытта холбообуттара. Онуоха оператор  байыаннай сулууспалаах  байыаннай эпэрээссийэ аттыгар баар госпиталга сытарын туһунан этэн туран, кинини эмтэниигэ ыытарга бэлэмнииллэрин иһитиннэрбитэ. Бу иннинэ аймахтар испииһэккэ дьоннорун кыайан булан ылбаттара, тоҕо диэтэххэ, сахалыы ааты сыыһа суруйбут буолаллар эбит. Онон итинник хабааннаах түгэннэр тахсыталыыллар», – диэн Мария Винокурова иһитиннэрдэ.

Дьон араас хабааннаах ыйытыытыгар сөптөөх хоруйу биэрэр инниттэн тустаах министиэристибэлэр, биэдэмистибэлэр бары кыттыһан үлэлииллэр. Холобур, «итии лииньийэ» уонна  СӨ Доруобуйаҕа харыстабылын министиэристибэтин исписэлиистэрэ  байыаннай сулууспалаахха доруобуйатын туругунан 30 күннээх уоппусканы бэрдэрэри ситиспиттэрэ.

«Байыаннай сулууспалаах госпиталларынан сылдьар кэмигэр мэдиссиинискэй докумуонун сүтэрбит этэ. Ол иһин докумуоннарын куопуйалыырга уонна Дьокуускай куоракка кэлэригэр (госпитализацияҕа) көмөлөһөргө көрдөспүтэ. Онуоха маны быһаарыыга СӨ Доруобуйаҕа харыстабылын министиэристибэтэ кыттыспытын түмүгэр,  байыаннай сулууспалаах  соторутааҕыта Дьокуускай куоракка эмтэниигэ кэлбитэ», – диэн  Мария Винокурова кэпсээтэ.

Онон «итии лииньийэ» 122 диэн нүөмэригэр эрийэн (1 диэн кунуопканы баттаан), ыйытыыларгытын биэриэххитин сөп. Атын эрэгийиэнтэн 8(4112)510-122 диэн нүөмэргэ эрийэҕит.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
27 февраля
  • -30°C
  • Ощущается: -30°Влажность: 68% Скорость ветра: 0 м/с

Сообщить об опечатке

Текст, который будет отправлен нашим редакторам: