Сэтинньи ый 17 күнүгэр үөрэхтээһин Харбалаахтааҕы холбоһугар «Эрэл» сокуоннай саастарын ситэ илик оҕолорго Тааттатааҕы реабилитационнай киин үлэһиттэрэ төрөппүттэри, оҕолору кытта үлэлэһэн бардылар. Сарсыарда 9 ч.15 м. нэһилиэк дьаһалтатыгар консилиум буолла.
Оҕолорго «Брейн-ринг» оонньууну ыыттылар. 8-11 кылаас оҕолоругар иккис уруок кэнниттэн сэттэ түһүмэхтээх викторина ыыттылар. Оонньууга кылаас ахсыттан алталыы о5олоох хамаанда туруорулунна. Бастаабыт хамаанда «Хадаайы» түмэлигэр муус оҥоһуктаах сиргэ буор-босхо сынньанан, мууска сырылаан, хаҥкылаан кэлэр путевканы ылар чиэскэ тигистэ. Оҕолор бары көхтөөхтүк кытыннылар. Бэрт интэриэһинэй, сэргэх тэрээһин ааста, 1-кы хамаанда бастаата. Кинилэр «Хадаайыга» сынньана барар босхо путевканы тутан олус үөрдүлэр.
Онтон төрөппүттэри, учууталлары кытары көрсүһүү буолла. Бэртээхэй кэпсэтии таҕыста, оҕолорго туһалаах сүбэ-ама бэрилиннэ. Бэйэ дьыалатын тэриниэн баҕалаахтарга социальнай хантараак туһунан сиһилии быһаарыы, сырдатыы болҕомтону тарта.
Ити курдук, Харбалаахха олус туһалаах тэрээһин буолбутуттан оҕолуун, улахан дьоннуун бары астынныбыт. Улаханнык үөрэн-көтөн туран, Тааттатааҕы «Эрэл» үлэһиттэригэр барҕа махталбытын тиэрдэбит!
Наташа НИКИФОРОВА,
11 кылаас үөрэнээччитэ, Харбалаах
Саха сирин киин улуустарын олохтоохторо чаҕылхай күннээх «дьахтар сайыныгар» астына сырыттахтарына, өрөспүүбүлүкэ сорох улуустарыгар маҥнайгы…
Өймөкөөн нэһилиэгэр айылҕа иэдээнигэр түбэспит олорор дьиэлэри чөлүгэр түһэриигэ Саха сирин үгүс улуустарыттан, Дьокуускайтан, араас…
Балаҕан ыйын 15 күнүгэр киэһэ хойут Ленскэйдээҕи быыһыыр-көрдүүр этэрээт быыһааччылара ойуурга муммут киһини буллулар. Киин…
Бүгүн, балаҕан ыйын 16 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…
Бэҕэһээ, балаҕан ыйын 15 күнүгэр, Дьокуускай куорат Дзержинскай аатынан уулуссаҕа "Архыып" тохтобул туһаайытынан күөх уокка…
Бүгүн, балаҕан ыйын 16 күнүгэр, өрөспүүбүлүкэ арҕаа өттүгэр, Өлүөнэ аллараа тардыытынан ардах, инчэҕэй хаар түһүөҕэ.…