Хаартыска: minobrnauki.sakha.gov.ru
Өрөспүүбүлүкэтээҕи анал (коррекционнай) интэринээт-оскуола саада Сайсары уокуругар “Цвет знаний” номинацияҕа 1 миэстэни ылла. Оскуола саада сыллата уокурук куонкуруһугар бастыыр, былырыын Дьокуускай куоракка 1 миэстэни ылбыта.
Сыл ахсын “Гармония с природой” харахтарыгар, кулгаахтарыгар кэһиллиилээх оҕолорго аналлаах экология куруһуога оскуола саадын үүннэрэн киэргэтэр. Хас биирдии сибэккини, үүнээйини уопуттаах педагогтар салайыыларынан оҕолор сылаас илиилэрин олордоллор. Куруһуок үлэтин иитинэн оҕолор үлэни, айылҕаны таптыы үөрэнэллэр, биисинэс бырайыак саамай бастакы сатабылын иҥэринэллэр.
“Сыллата сибэкки олордор сирдэрин тиэмэлэринэн уларытан иһэллэр: «Игры детей Азии», «Журавли Победы», «Мама для мамонтенка», «Сельское подворье», былырыын – үөрэххэ ураты ирдэбили эрэйэр биһиги оҕолорбутугар хорсун санааны, олоххо тапталы көрдөрбүт «Смелая девочка Карина Чикитова». Оттон быйыл оскуола саадын “Там, где танцуют стерхи” диэн ааттаан киэргэппиттэр. Бу курдук ааттаах киинэни көрөн баран ыарыытын кыайан, чугас дьонугар уонна барыны эмтиир айылҕаҕа тапталын туһугар туран хааман, тулууру, үлэһит буолууну, доруобуй уонна туохтан да куттаммат буоларга дьулуһууну көрдөрбүт уолтан сөҕөн, киэн туттан киэргэттилэр” – диэн куруһуок салайааччыта Наталья Ефремова бэлиэтиир. Бу туһунан үөрэх кыһатын пресс-сулууспатыгар сигнэн, Үөрэх уонна билим министиэристибэтэ сырдатар.
Быйылгы халааҥҥа бэлэмнэнии туһунан бүгүҥҥү хаһыакка суруналыыс Женни Стрюкова матырыйаалын ааҕыҥ. Чэй оргутуутугар, кэтээн көрдөххө,…
ИДьМ Дьокуускайдааҕы 2-с нүөмэрдээх полиция салаатын дьуһуурунай чааһыгар олохтоох кыыс кэлэн, тус маллаах суумкатын уорбуттарын…
Сунтаар улууһун баһылыга Анатолий Григорьев салайааччылаах улуус дэлэгээссийэтэ байыаннай дьайыы буола турар сиригэр үлэтин салҕыыр.…
Арассыыйа үс эрэгийиэнин үөрэнээччилэрэ, аттестат уонна орто анал үөрэҕи ылар туһугар түөрт биридимиэт оннугар икки…
СӨ Быыһыыр сулууспата иһитиннэрбитинэн, муус устар 3 күнүгэр 16.21 ч. Нам улууһугар Ньыкаада арыытыгар баар…
Бүгүн, муус устар 4 күнүгэр, биллиилээх судаарыстыбаннай, бэлитиичэскэй диэйэтэл, ССКП КК чилиэнэ, ССРС, САССР Үрдүкү…