Ил Дархан Айсен Николаев «Өрөспүүбүлүкэтээҕи ипотечнай ааҕыныстыба» АУо 2024 сыллааҕы үп-хаһаайыстыбаннай туругун көрдө, үүммүт 2025 сыллааҕы былааннарын билистэ.
Тэрилтэ көхтөөхтүк сайдан иһэрин, кэккэ суолталаах бырагыраамалары толорорун, ол иһигэр территория кэлимник сайдыытыгар уонна дьиэ тутуутун боппуруоһунан дьарыктанарын Ил Дархан бэлиэтээтэ.
-«Сулустаах» түөлбэҕэ туруоллубут былааннары тэрилтэ олоххо киллэрэн иһэр. Ол эрээри үлэ өссө көхтөөхтүк барыахтаах. РИА тэрилтэ үлэтин оҥорор. Сүрүн соругунан, Дьокуускай куоракка сири-уоту кэлимник сайыннарыы бырагыраамата буолар, — диэтэ Айсен Николаев.
2024 сылга РИА тэрилтэ элбэх кыбартыыралаах аҕыс дьиэни «Сулустаах» түөлбэҕэ уонна биир элбэх кыбартыыралаах дьиэни Жатайга тутан киллэрдэ. Бу сылга «Сулустаах» түөлбэҕэ өссө икки дьиэни тутан киллэриэхтээх. Маны таһынан, инники соруктар ахсааннарыгар ыраах сытар улуустарга мобильнай, түргэнник тутуллар дьиэлэри дьэндэтии уонна Дьокуускайга «эко-бөһүөлэктэри» тутууну сайыннарыы бырагыраамата баар.
Хаарбах дьиэни көтүрүү уонна территорияны бэлэмнээһин бырагырааматынан тэрилтэ 231 хаарбах туруктаах дьиэни көтүрэр туһунан этии киллэрэр. Ол курдук 90 га сиргэ тутууну ыытарга сорук туруорар. Манна холобурунан «Спортивнай» түөлбэни кэлимник сайыннарыы буолар. 2030 сылга диэри 73,8 тыһ.кв.м хаарбах дьиэттэн көһөрүллүөхтээхтэр.
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …
Түөкүттэр социологическай ыйытыылары биэрбитэ буолан, кэпсэтиннэрэ сатыыллар. Сыаллара-соруктара – куоласкын уһултара охсуу. Ол кэнниттэн эн…
Быйыл олунньуга Нерюнгрига элбэх кыбартыыралаах дьиэ иннигэр муустан халтарыйан, биирдээх оҕотун көтөҕөн испит ийэ охтубут.…
Өҥүрүк куйаас сатыылаан турдаҕына сарсыардаттан куорат тэрилтэлэрин кэрийэн, ыдьырыйа сылайдарбын даҕаны, син наадабын ситэн, дэриэбинэҕэ…
Ханнык баҕарар киһи элбэх харчылаах буолуон баҕарар. Ол эрээри, биһиги ортобутугар баай, харчыны чэпчэкитик оҥорор…