От ыйын 26 күнүгэр Олохтоох дьаһалтаҕа Арассыыйаҕа эргиэн үлэһитин күнүнэн бу эйгэ бастыҥнарын чиэстээтилэр.
Идэ бэрэстэбиитэллэрин куорат баһылыгын солбуйааччы Владимир Дорожкин, Куорат дууматын бэрэссэдээтэлин эбээһинэһин толорооччу Евдокия Евсикова уонна СӨ эргиэҥҥэ, урбааҥҥа уонна туризм сайдыытыгар миниистирин солбуйааччы Мария Карпова эҕэрдэлээтилэр. Бу туһунан куорат дьаһалтатын пресс-сулууспата суруйар.
Куорат баһылыгын солбуйааччы Владимир Дорожкин бэлиэтээбитинэн, эргиэн эйгэтэ урбааны, туризмы, сынньалаҥы, инвестицияны кытта быһаччы ситимнээх.
Бу күн бастыҥ үлэһиттэр уонна эйгэ бэтэрээннэрэ куорат баһылыгын грамотатынан, түөскэ иилиллэр бэлиэнэн, Олохтоох дьаһалта бочуоттаах грамоталарынан, махтал суруктарынан бэлиэтэннилэр.
Санатар буоллахха, Арассыыйаҕа 2013 сылтан дойду Бэрэсидьиэнэ Владимир Путин Ыйааҕынан от ыйын төрдүс субуотатыгар Эргиэн үлэһитин күнэ бэлиэтэнэр.
Дьокуускай куорат социальнай-экэнэмиичэскэй сайдыытыгар – социальнай бигэ туруктаах буолууга, куорат бүддьүөтүн дохуота улаатарыгар, инфраструктураны сайыннарыыга, саҥа үлэ миэстэлэрин таһаарыыга – эргиэн салаата сүҥкэн оруоллаах.
Саха сиригэр булт сезона саҕаланыаҕыттан хас даҕаны киһи суорума суолланна. Ыам ыйын 17 күнүгэр Ленскэйгэ…
Ааспыт сууккаҕа Дьокуускайга алта суол саахала бэлиэтэммит, оҕолор эчэйбиттэрин туһунан киин куораттааҕы ГАИ иһитиннэрэр. Ыам…
Дойдуну көмүскээччилэри өйүүргэ “Дьоруойдар кэмнэрэ” каадыр бырагыраамата үлэлиир. РФ бэрэсидьиэнэ Владимир Путин бу көҕүлээһинэ СӨ…
[gallery ids="49309,49310,49307,49308"]
Дьокуускайга "Бүтэһик чуораан" бырааһынньыктара ыытыллалларынан сибээстээн, ыам ыйын 24 күнүгэр арыгы атыытын бобуохтара. Бу туһунан…
“Саханефтегазсбыт” АУо «Ленскэйдээҕи нефтебаза» салаата ыам ыйын 20 күнүгэр Ленскэй, Мииринэй уонна Өлөөн улуустарыгар наадалаах…