Хаартыска: Л.Свешникова тиксэриитэ
Уус Алдан улууһун Өспөх нэһилиэгин олохтоохторо,»Доброволецтар» волонтердар хамсааһыннарын (сал. Светлана Архипченко, Дьокуускай к.) филиала, байыастарга көмөтүн тиһиктээхтик салгыыр.
Байыаннай дьайыыга сылдьар уолаттарбытыгар бэйэбит кыайарбытынан көмөлөһөбүт. 2023 сыл сэтинньититтэн саҕалаан 2401,5 кв.м. иэннээх 187 хаххалыыр илими баайдыбыт диэн кэпсиир нэһилиэк баһылыга Л.Свешникова.
—«Доброволецтар» волонтердар хамсааһыннарын 50-тан тахса илим баайар, иистэнэр сыахтаах филиалларын матырыйаалынан хааччыйарга улахан тэрилтэлэр, урбааньыттар көмөлөһөллөр уонна биирдиилээн дьон бэйэлэрин санааларынан үп-харчы биэрэн өйөбүл, тирэх буолаллар.
Биһиги эмиэ итинтэн туора турбаппыт. 2024 сыл иһигэр олохтоохтор, биир дойдулаахтарбыт уонна урбаанньыттар Лукин Г.В., Жирков Г.М., Егоров Т.Т., «РК РИМ» ХЭТ успуонсардааннар, хаххалыыр сиэккэ матырыйаалыгар уонна иһинэн кэтиллэр флис таҥаска 253 тыһ. 700 солк. кыттыһан муспуппут. Итини таһынан, хантараак баттаспыт уолаттарга тэринэн баралларыгар нэһилиэнньэ 120 тыһ.солк. көмөлөстүбүт.
Дьон-сэргэ бары биир киһи курдук турунан кылааппытын киллэристэхпитинэ, Кыайыыбыт чугаһыа диэн эрэлбит күүстээх, улахан.
Лена Свешникова,
«Өспөх нэһилиэгин» баһылыга, Уус Алдан
Хаартыскалар: Л.Свешникова тиксэриилэрэ
Манчаары оонньуулара буолара биэс хонук хаалбыт күнүгэр, Булуҥ сэлиэнньэтин олохтооҕо, Саха Өрөспүүбүлүкэтин уус-уран оҥоһуктарын маастара…
Нерюнгрига быйыл 18-с сылын ыытыллар Олоҥхо ыһыаҕар Чурапчыттан 120-н тахса киһилээх улахан дэлэгээссийэ кыттыыны ыла…
Бу күннэргэ Нерюнгри куоракка ыраахтан-чугастан дьон-сэргэ тоҕуоруста. Олоҥхо ыһыаҕар олорор, сылдьар усулуобуйа хайдаҕый? ''Амикан'' этнокомплекс…
Бүгүн, от ыйын 3 күнүгэр, Эркээни ытык хочотугар Билим аччыгый академиятын дьиэтигэр XXXII Норуоттар икки…
ИДьМ Алдан оройуонун полиция отделын участковайдара бырамыысыланнай тэрилтэҕэ үлэҕэ киирээри сымыйа докумуоннары туһаныы икки түбэлтэтэ…
Байыаннай дьайыы кыттыылааҕа Игорь Марсунов от ыйын 10-14 күннэригэр Южно-Сахалинскай куоракка УИФУо бэтэрээннэрин ортотугар ыытыллар…