Москваҕа испэктээккэ оонньуоҕа

Share

Саха эстрадатын биллэр-көстөр ырыаһыта Байбал Сэмэнэп Москваҕа «Рубеж героев» испэктээккэ оонньуоҕа.

Бу Улуу Кыайыы 80 сылынан «Рубеж героев» диэн Аҕа дойдуну көмүскээччилэр күннэригэр анаммыт испэктээк Москваҕа олунньу 23 күнүгэр буолуоҕа.

Испэктээккэ саха саллаатын оруолун толорор Байбал Сэмэнэп маннык кэпсиир:

— Москваҕа «Поколение» диэн оҕо музыкальнай-драматическай тыйаатырыгар кэлэммин бииргэ оонньуохтаах дьоммун-сэргэбин кытта билистим. Бэҕэһээ тиэкиспитин аахтыбыт, аҕыйах хамсаныыны үөрэттибит. Бүгүҥҥүттэн барытын толору бэлэмнэнэбит. Музыка доҕуһуоллаах оонньуохтаахпыт. Бэлэмнэниибитин телевидение кэлэн устуоҕа диэтилэр.

Испэктээк суруйааччы Василь Быков «Третья ракета» диэн сэһэнигэр олоҕурар. Күөйэ түһэн эттэххэ, манна Өймөкөөнтөн сылдьар Попов диэн саллаат хорсун быһыыта кэпсэнэр. Өссө 1963 сыллаахха бу айымньыга олоҕуран толору метражтаах уус-уран киинэ уһуллубут. Оччоҕолорго Попов оруолун СӨ үтүөлээх, СӨ норуодунай артыыһа Спартак Федотов оонньообут. Онтон, аны, испэктээккэ бу оруолу мин толорор буоллум. Хоту дойду уола уоттаах сэрии толоонугар хамандыыра өлбүтүн кэнниттэн, ону солбуйан хаалар уонна салгыы өстөөҕү өһөрөр туһугар кыргыһар. Саллаат эйэлээх олох иһин сырдык тыынын толук уурар.  Кылгастык сырдаттахха, ити курдук, — диэн этэр саха эстрадатын чаҕылхай сулуһа Байбал Сэмэнэп.

Дьэ онон, доҕоттор, Москватааҕы  «Поколение» уонна Саха эстрадатын тыйаатырдарын холбоһуктаах испэктээктэрэ көрөөччү дьүүлүгэр тахсаары турар. Байбалга ситиһиилэри баҕарабыт!

Саха эстрадатын тыйаатырын дириэктэрэ Татьяна Чаранская сырдатыытын бу сигэнэн киирэн ааҕыҥ: https://sakha-sire.ru/estrada-yryahyta-bajbal-semenep-moskvaga-rubezh-geroev-ispekteehhe-oonnuoga/

Хаартыскалар: Байбал Сэмэнэп тиксэриилэрэ

Recent Posts

  • Сонуннар
  • Чэгиэн

Ыарыыны сыһыаралларыгар сөбүлэһэр курдук…

Үнүр солуоҥҥа тыҥырах оҥорторо тиийдим. Дьоҕус остуолга “Хаас оҥорторорбор гепатит, СПИД, сифилис уо. д. а. ыарыылар сыстыахтарын…

19 минут ago
  • Сонуннар
  • Уопсастыба

Саха гимназиятыгар «Дьокуускай — Донецкай» телемост буолла

Бүгүн, атырдьах ыйын 30 күнүгэр,  Дьокуускай куоракка Саха гимназиятыгар  уопсастыбанньыктар, волонтердар, төрөппүттэр, үөрэнээччилэр кыттыылаах "Дьокуускай…

41 минута ago
  • Сонуннар
  • Уопсастыба

Өймөкөөн Сордоҥнооҕор «Быйаҥ» оҕо лааҕырыгар оҕону үлэнэн иитэллэр

Өймөкөөн улууһун Сордоҥноох нэһилиэгин олохтоохторо Марта уонна Михаил Винокуровтар сайыҥҥы кэмҥэ оҕону үлэҕэ сыһыаран үлэ…

1 час ago
  • Байыаннай эпэрээссийэ
  • Интервью
  • Сонуннар

Саха сирин “бирилийээниттэн” атыннык ааттаабаттара…

"Карат” диэн ыҥырыллар ааттаах, төрөөбүт Сахатын сиригэр “Е. Николаевна” диэн ытыктабыллаахтык ааттанар кэрэ аҥаар 2001 сылтан…

2 часа ago
  • Сонуннар
  • Уопсастыба

Балаҕан ыйын 1 күнүттэн потребительскай кирэдьиити ыларга уларыйыылар киирэллэр

2025 сыл балаҕан ыйын 1 күнүттэн баантан эбэтэр микро-үп тэрилтэлэриттэн (МФО) ханнык эрэ табаары ыларга…

3 часа ago
  • Быһылаан
  • Сонуннар
  • Уопсастыба

Түүҥҥү кэмҥэ көрүүтэ суох сылдьар оҕолор булулуннулар

Полиция үлэһиттэрэ сокуоннай саастарын ситэ илик оҕолор көрүүтэ-истиитэ суох сылдьыыларын  уонна буруйу оҥорууларын сэрэтэр систиэмэ…

3 часа ago