Санкт-Петербурга баар Арассыыйатааҕы этнографическай мусуойга саха дьахтарын мааныга кэтэр таҥаһын кэмпилиэгин Саха АССР 100 сылынан, Арассыыйа норуоттарын үйэлээх баайын сылыгар, мусуой тэриллибитэ 120 сылыгар анаан бэлэх ууннулар. Саха маастардарын үлэлэринэн пуонданы хаҥатар туһунан көрдөһүү мусуой аатыттанбырабыыталыстыбаҕа бу сыл саҥатыгар киирбитэ.
Кэмпилиэги СӨ норуодунай худуоһунньуга, норуот маастара Анна Зверева ХIХ үйэтээҕи саха таҥаһын үүт-үкчү үтүгүннэрэн тикпит. Сону, дьабака бэргэһэни, үтүлүгү оҕуруонан киэргэтэн, кыбытыы ньыматынан кырадаһыннары аттаран, былыргы иис быраабылаларын тутуһан тигиллибит, олус кэрэ көстүүлээх таҥас мусуойга көрдөрүүгэ турда.
Култуура, духуобунай сайдыы миниистирэ Юрий Куприянов этэринэн, Арассыыйатааҕы этнографическай мусуойга саха коллекцията 3700 экспонаттаах. Манна култуура, ускуустуба, олох-дьаһах, норуот айымньытын маллара бааллар. Холобур, 1896 сыллаахха саха дэлэгээссийэтэ цесаревичка, кэнэҕэски император Николай Торуойга бэлэхтээбит саха таҥаһын кэмпилиэгэ харайыллан сытар.
Билигин этнографическай мусуойга Арассыыйа 160 норуотун култууратын, ускуустубатын экспонаттара хараллаллар, сыллата эбиллэн, пуонда кэҥиир.
Ааспыт ый ортотугар Мэдиссиинискэй реабилитацияҕа уонна спортивнай мэдиссиинэҕэ өрөспүүбүлүкэтээҕи киинин үлэһиттэрэ, тэрилтэлэрин территориятыттан кыракый куттаммыт …
Бүгүн, сэтинньи 8 күнүгэр, өрөспүүбүлүкэ баһыйар үгүс өттүгэр хаардыаҕа. Өймөкөөҥҥө сөҥүү түһэрэ күүтүллүбэт. Өлүөнэ аллараа…
Бу күн киһи ис санаатын дириҥник өйдүүрүн уонна дьиэ кэргэнин кытта сыһыаны бөҕөргөтөрүн туһугар ананар.…
Сэтинньи 25-26 күннэригэр саха тылын, литэрэтиирэтин, култууратын учууталларын өрөспүүбүлүкэтээҕи III сийиэһэ ыытыллаары турар. Сийиэскэ сүүрбэччэ…
Саха сирин уустара Москваҕа ыытыллыбыт «Клинок – үгэс уонна аныгы кэм» норуоттар икки ардыларынааҕы быыстапка…
Дьокуускайга ыытыллар Дмитрий Коркин аатынан норуоттар икки ардыларынааҕы күрэхтэһиигэ Беларусь сүүмэрдэммит хамаандатын састаабыгар эр дьоҥҥо…