Еврейскай АУо биир дойдулаахтарбытыгар көмө тиийдэ

Уһук Илиҥҥэ Саха сирин бастайааннай бэрэстэбиитэлистибэтэ быстах хомуурга ыҥырыллыбыт биир дойдулаахтарбытыгар гуманитарнай көмөнү оҥорууга бары күүһүн уурар.

Бүгүн Еврейскай автономнай уобаласка баар байыаннай чааска Саха сириттэн барбыт байыаннай сулууспалаахтарга баһыылкалары тириэртилэр.

«Бүгүн гуманитарнай көмөнү биир дойдулаахтарбытыгар туттартаатыбыт. Бу баһыылкалары «Якутия с тобой!» ыстаап   хомуйан ыыппыта», —  диэн бастайааннай бэрэстэбиитэл  Ким Борисов иһитиннэрдэ.

Ким Борисов кэпсээбитинэн, Саха сириттэн мобилизацияламмыт дьон аһынан-үөлүнэн, үчүгэй усулуобуйанан хааччыллан олороллор.

Санатан эттэххэ, «Якутия с тобой» ыстаап Дьокуускай куоракка Орджоникидзе, 10 дьиэтигэр үлэлиир.