Феодосия Габышев саҥа анааһын туһунан санаатын үллэһиннэ

Педагогическай наукалар доктора, профессор Феодосия Габышева Нюргуна Соколова СӨ үөрэҕин уонна наукатын миниистирин э.т. анаммытын туһунан санаатын үллэһиннэ. Кини Ил Дархан каадыры быһаарарыгар өрөспүүбүлүкэ сайдыытыгар болҕомтотун уурарын бэлиэтиир. 

Нюргуна Соколова 2019-2020 сылларга СӨ Үөрэххэ уонна наукаҕа миниистирин солбуйааччынан үлэлээбитэ. Кини быйыл «Якутия, вперед!» өрөспүүбүлүкэтээҕи кадровай куонкуруска бастаабыта.

«Нюргуна Соколова бу дуоһунаска диэри үчүгэй оскуоланы ааспыт, бэлэмнээх киһи буолар. Министиэристибэҕэ үлэлиир эрдэҕинэ орто үөрэхтэр боппуруостарын салайбыта. Манна кини «Якутия, вперед!» куонкуруска кыайбыта эмиэ улахан суолталаах. Бу куонкурус Ил Дархан көҕүлээһининэн ыытыллар, каадырдары иитиигэ уонна сайыннарыыга туһуланар», — диэн Федосия Васильевна СИА-ҕа санаатын үллэстэр.