Гааска көҥүлэ суох холбоммут дьону туттулар

Дьокуускай куоракка Пирогов аатынан уулуссаҕа “Сахатранснефтегаз” хампаанньа инспекцията гааска көҥүлэ суох холбоммут дьону тутта.

Түөрт бэйэ оҥоһуу гааһы уматар тэрил уонна «Бакси» хочуол суол таһынааҕы кафеҕа үлэлии тураллара чахчыламмыт. «Сахатранснефтегаз» үлэһиттэрэ гааһы уорууну тута тохтоппуттар, хас биирдии холбоммут тэрил аайы 200 тыһ. солк. ыстыраап тутар туһунан ирдэбил туттарбыттар. Ону таһынан, ис дьыала уорганнарыгар административнай уонна холуобунай дьыала арыйалларыгар сайабылыанньа түһэриллибит.

“Сахатранснефтегаз” акционернай хампаанньа сэрэтэр – гааска көҥүлэ суох холбонуу иһин холуобунай эппиэтинэскэ тардыллыахха сөп. Көҥүлэ суох гаас ситимигэр холбонуу тулалыыр дьон олоҕор кутталы үөскэтэр.