РФ Госдууматын дьокутаата Галина Данчикова бэйэтин Телеграм-ханаалын сурутааччыларыгар коллектордар аны иэстээхтэри уһатыллыбыт иэстэрин төлөтөөрү мөрөйдүөхтэрэ уонна күүстэринэн өттөйүөхтэрэ суоҕа диэн иһитиннэрдэ.
Госдуума кинилэргэ сыһыаннаан, сокуону кэһэр дьайыыларын иһин холуобунай эппиэтинэһи олохтуур туһунан сокуону бүтэһик ааҕыыга бу дьыл бэс ыйын 27 күнүнээҕи пленарнай мунньаҕар ылынна.
Өскөтүн кинилэр сокуону кэстэхтэринэ, 300-тэн 500 тыһыынчаҕа диэри солкуобайынан, эбэтэр сууттаммыт киһи үс сыллаах дохуотун кээмэйинэн ыстарааптаналлар. Буруй оҥорооччуну кыһалаҥ үлэҕэ ыытыахтарын, биитэр биэс сылга диэри болдьоххо көҥүлүн быһыахтарын сөп. Өскөтүн буруйу оҥоруу бөлөҕүнэн, хас да сирэйинэн, тэриллибит буоллаҕына, кыттыгастаах хас биир киһини уон сылга диэри болдьоххо хаайыыга олордуохтарын уонна 1-тэн 5 мөлүйүөн солкуобайга диэри ыстарааптыахтарын сөп.
Парламент спикерэ Вячеслав Володин, иэһи-күүһү күүс өртүнэн ирдээн ыларга сорудахтаммыттар сокуону кэһэр дьайыылара сир ахсын көрсүллэрин, онон дойду бары эрэгийиэннэригэр анаан саҥа нуорма дьоһунун туһунан пленарнай мунньахха этиитэ мээнэҕэ буолбатах. Коллекторскай ааҕыныстыбалар эйгэлэригэр үгүс ахсааннаах сокуону кэһиилэр, гражданнар үҥсүүлэрин тустарынан хас эрэгийиэн аайы онто суох биллэр.
“Иэһи хомуйааччылар эппиэтинэстэрин кытаатыннарыы, кинилэр аны дьону кутталга туталларын, төлөпүөн нөҥүө сойуолаһалларын, дьон барыыларын-кэлиилэрин хааччахтааһыннарын, күүс өттүнэн олохторугар, доруобуйаларыгар кутталы үөскэтиилэрин тохтотуоҕа. Онон, итини өйдүөхтээхтэр, куойаларыгар-маҥкыларыгар хатыахтаахтар”, — диэн РФ Госдууматын дьокутаата Галина Данчикова кэпсээтэ.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…