Быйыл оттооһуҥҥа кэккэ улуустар күчүмэҕэйдэри көрүстүлэр. Олортон биирдэстэринэн Эбээн Бытантай улууһа буолар. Улуус 1300 туонна оттуур былааннааҕыттан аҥаарын эрэ чөкөттө.
Маныаха туох харгыстаабытын туһунан улуус баһылыга Гаврил Горохов маннык иһитиннэрдэ:
— Быйыл Эбээн Бытантайга наһаа уулаах дьыл буолла. Төһө эмэ турунан оттуу сатаабыппыт үрдүнэн дьоммут-сэргэбит, хаһаайыстыбаларбыт оттообут отторун уу илдьэ барда. Олох көрдөрбүтүнэн былдьаттыбыт диэххэ сөп. Онон үөскээбит балаһыанньанан сибээстээн СӨ Тыа хаһаайыстыбатын министиэристибэтин кытта ыкса үлэлэһэ, атын хаһаайыстыбалары кытта кэпсэтэ сылдьабыт. Тыа хаһаайыстыбатын министиэристибэтэ көмө оҥоруом диэтэ. Ол курдук, сүөһү сиир эбии аһылыгын – эбиэһи, уотурбаны, гранулированнай оту ыксаллаах балаһыанньаҕа түбэспит улуус буоларбытынан хааччыйыаҕа. Онон эрэнэбит.
Аны өссө биир кыһалҕабыт – таһаҕас кэлиитэ. Былырыын аһы-үөлү, дьон таһаҕаһын тиэйэр операторбыт бэркэ үлэлээбитэ. Быйыл сөмөлүөт сырыыта аччаата. Холобура, былырыын “Ираэро” курдук хампаанньа эбии көтөн абыраабыта. Быйыл бородууктаны “Полярные авиалинии” чэппиэр аайы сөмөлүөт аҥаарынан тиэйэр. Онон оҕуруот аһыгар, фруктаҕа, атын аска-үөлгэ быйыл күһүн ыгылынныбыт. Итинэн сибээстээн, “Ираэро” да буоллун, атын сөмөлүөттэри эбии бу үлэҕэ кытыннарар ордук буолуо этэ.
Эбээн Бытантай улууһун хочуолунайдара кыстыкка этэҥҥэ киирдилэр. Билиҥҥитэ этэҥҥэ диэн сыаналыыбын.
Хаартыска: архыыптан
Кыайыы күнэ. Муҥура суох үөрүү, харах уута аргыстаах, кыырыктыйбыт чанчыктаах, өрөгөйдөөх бырааһынньык! Ити билигин, итинник…
Бу хаартыска 1975 сыллаахха Кыайыы 30 сылыгар түһэриллибит. Урут хаартысканан түһэрии үөдүйэн турдаҕына дьарыктана сылдьан…
Аҕа дойду уоттаах сэриитигэр Улуу Кыайыы 80 сылынан Ем.Ярославскай түмэлигэр “Реликвии Великой Отечественной…” быыстапка буолла.…
Модун кыахтаах Сэбиэскэй судаарыстыба улуу нуучча норуотун салалтатынан биэс сыллаах алдьархай аргыстаах Аҕа дойду сэриитин…
1827 сыллаахха атыыһыттар көҕүлээһиннэринэн, үпкэ-харчыга тус кыттыһыыларынан Дьоҕус баһаарга тутаах дьиэни 1830 сыллаахха диэри туттарбыттар…
Бүгүн, ыам ыйын 11 күнүгэр, уочараттаах оһуокай Арчы дьиэтигэр үрдүк таһымнаахтык ыытылынна. Үс Дьоруойдаах Бүлүү…