Ульяна Захарова хаартыскаҕа түһэриитэ
«Цифровой алмаз» пуорум ГЕЙМДЕВ диэн былаһааккатыгар 50-чэ эдэр дьон мустубут. Былаһаакка сүрүн хайысхата — видеооонньуулар индустрияларын нөҥүө Уһук Илиҥҥэ ыччат инникитин тэрийии туһунан кэпсэтии диэн буолар.
Манна Дьокуускайдааҕы Синергия кэллиэһин устудьуоннара хото кэлбиттэр. «Үлэ кыбаартала» иккис этээһигэр тэриллибит ГЕЙМДЕВ былаһааккатыгар түөрт остуолунан сыттык пуфиктарга олорон улахан экраннарга оонньуулары, роликтары көрө олорор ыччат үгүс буолан биэрдэ.
Ыччат санаата
Айта Гуляева, Синергия кэллиэһин 1 кууруһун устудьуона:
— Мин манна көрө-истэ кэлбитим. Кыттааччы быһыытынан сылдьабын. Москваттан Синергия университеттан кэлбит преподавателлэр лиэксийэлэрин истиэхпит. Үөрэхпит хайысхатыгар сыһыаннаах, чугас былаһаакка буолар.
Доминика Готовцева, Синергия кэллиэс 1-кы куурус устудьуона:
— Биһиги манна бүтүн кууруһунан кэлэн хас да былаһаакканан арахсан кытта сылдьабыт. Үөрэхпитигэр саайт, араас кодтары эҥин оҥорорго үөрэнэбит. Онон бу ГЕЙМЕДЕВ былаһаакката миэхэ ордук чугас. Саха сиригэр оҥоһуллубут видео-оонньуулар киэҥ эйгэҕэ тахсыахтара, цифровой эйгэ инникилээх дии саныыбын.
Руслан Шкулев, Синергия кэллиэһин устудьуона:
-Мин графическай дизайнер үөрэҕэр үөрэнэбин. Аныгы цифровой эйгэ сайдыбыт кэмигэр маннык пуорумнар олус туһалаахтар. Тэҥнээхтэрбитин кытта алтыһан, уопуттаах лиэктэрдэри истии, санаа атастаһыы олус үчүгэй дии саныыбын.
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…