Географическай диктант үс сүүстэн тахса сиргэ ыытыллыа

Алтынньы 30  күнүгэр бары эрэгийиэннэргэ уонна тас дойдуга ыытыллар норуоттар икки ардыларынааҕы географическай диктаны суруйууга Саха сирин олохтоохторо кыттыыны ылаллар. Нуучча географическай уопсастыбата бу тэрээһини ахсыс төгүлүн ыытар.

Өрөспүүбүлүкэҕэ диктаны суруйуу 300 тахса былаһааккаҕа — үөрэх тэрилтэлэригэр, бибилэтиэкэлэргэ, түмэллэргэ ыытыллыа диэн иһитиннэриигэ суруллар.

Географическай диктант быйыл үгэс курдук хас да варианнаах буолуоҕа, хас биирдиитэ 40 ыйытыылаах. Сорудахтар уустугуттан көрөн икки чааска арахсыахтара. Бастакыга уон ыйытыы, иккискэ отут ыйытыы киирэр.