Хаартыска: САССР 100 сыла
Ахсынньы 18-19 күннэригэр Матрена, Алексей Павловтар салайааччылаах Үүнэр көлүөнэ судаарыстыбаннай тыйаатырыгар үһүйээннэргэ үгүс үйэлэр тухары кэпсэммит саха боотура Майаҕатта Бэрт Хара туһунан испэктээкил сүрэхтэнэр.
«Майаҕатта Бэрт Хара» диэн Анатолий Кириллин-Дьолу Куус номохторго олоҕуран суруйбут бастакы пьесата. Урукку дьыллар улаҕалаах уорҕаларыгар улахан киһиттэн ойуччу улаатан көстөр, муҥур тиит курдук баараҕай көрүҥнээх, хастаабыт харыйа мас курдук харылаах, тиэйиилээх оту санатар кэтит киппэ көҕүстээх, икки былас дарайар сарыннаах, үс былас үрдүк үөкэҕэр өттүктээх, бэйэтигэр тэҥнээх боотуру көрсүбэтэх, үгүөрү күүстээх, сымса илиилээх, быһый атахтаах, түнэ таҥастаах Майаҕатта Бэрт Хара диэн бөҕөс киһи үөскээн-төрөөн олорбута үһү…
Тоҕус сааһыгар диэри сымара таас курдук сыппыт, обургу буолуор диэри киил мас курдук кыайан хаампатах уол атаҕар хайдах турбутун, уостан түспэккэ суон сураҕырбытын, бэл диэтэр, Тыгын Дархан маанылаах кыыһын кэргэн ылбытын туһунан тыйаатырга кэлэн көрүҥ, кэрэхсээҥ.
Майаҕатта Бэрт Хара оруолун СӨ култууратын туйгуна Георгий Бессонов толорор. Испэктээкили СӨ ускуустубатын үтүөлээх диэйэтэлэ Александр Титигиров туруорда. Сценографиятын уонна көстүүмнэрин СӨ култууратын туйгуна Егор Аммосов оҥордо.
Өрөспүүбүлүкэ оскуолаларыгар үөрэх дьыла саҕаланара бу кэллэ. Үөрэхтэн, оскуолаттан сайын устата тэйэ быһыытыйбыт оҕолор саҥа…
Дьокуускайга бүгүн, атырдьах ыйын 30 күнүгэр, аан бастакытын 100 км сүүрүүгэ Арассыыйа чөмпүйэнээтэ ыытылынна. Дьахталларга…
Саха сиригэр 2025 сыл балаҕан ыйын 1 күнүттэн 629 уопсай үөрэхтээһин тэрилтэтэ үлэтин саҕалыаҕа. 152…
Арассыыйаҕа, ол иһигэр Саха Өрөспүүбүлүкэтигэр, социальнай өттүнэн харысхала суох нэһилиэнньэни өйөөһүн — судаарыстыба сүрүн соруктарыттан биирдэстэрэ.…
Дьокуускай куоракка полиция 1 отделын дьуһуурунай чааһыгар чааһынай дьиэтиттэн малын-салын уордарбыт олохтоох киһиттэн сайабылыанньа киирбит.…
Максим Васильев - Дьокуускай куорат 39 нүөмэрдээх оскуолатын бастыҥ үөрэнээччитэ. Бу сотору сэттис кылааска үөрэнэ…
