Уус-уран гимнастикаҕа СӨ федерациятын пресс-сулууспатын хаартыскаҕа түһэриитэ.
Бүгүн, кулун тутар 24 күнүгэр, Дьокуускайга MuusUstar бэстибээлгэ кытта диэн уус-уран гимнастикаҕа Арассыыйа хамаандатын лиидэрэ, аан дойдуга юниордарга хас да төгүллээх, Европа уонна Арассыыйа чөмпүйүөнэ Лала Крамаренко уонна бөлөҕүнэн күрэхтэһиигэ Олимпиада кыайыылааҕа Ксения Дудкина кэллилэр. Кинилэри кытта сахалартан биир бастакынан бу көрүҥҥэ Арассыыйа успуордун маастара аатын ылбыт, 2004 с. «Азия оҕолоро» норуоттар икки ардыларынааҕы спортивнай оонньуулар кыайыылааҕа Виолетта Иванова-Никифорова кэллэ.
Лала Крамаренко бээтинсэ киэһэ «Модун» успуорт комплексыгар өрөспүүбүлүкэ сүүмэрдэммит хамаандатын кыттыылаахтара, билигин Ирина Винер Олимпийскай киинигэр дьарыктанар Зарина Борисова, Дарья Христофорова уонна Дьокуускай, Хаҥалас, Нерюнгри кырачаан гимнасткалара кыттыылаах «Маҥнайгы хардыыттан — чыпчаалга» диэн кэнсиэргэ бэйэтин маастарстыбатын көрдөрүөҕэ. Успуорт бу саамай кэрэ көрүҥэр ыалдьаачылары үөрдүөҕэ. Тэрийээччилэр этэллэринэн, манна көрөөччүлэргэ анаммыт 400 миэстэ регистрация маҥнайгы күнүгэр тута бүппүт эбит.
Оттон субуота сарсыарда Дьокуускай 25-с нүөмэрдээх оскуолатын гимнастикаҕа саалатыгар Лала Крамаренко уонна Ксения Дудкина гимнастиканан дьарыктанааччыларга маастар-кылаас ыытыахтара.
Бу тэрээһиннэргэ уус-уран гимнастикаҕа өрөспүүбүлүкэ федерациятын бэрэсидьиэнэ Людмила Николаева кыттыыны ылыаҕа.
Тиэхиньикэ нүөмэригэр Арассыыйа былааҕын бэлиэтин булгуччулаах оҥоруохтара. Саҥа уларыйыылары киллэрэргэ ИДьМ сулууспатын Суолга куттала суох…
Бүгүн, ыам ыйын 8 күнүгэр, Саха сиригэр успуорт уонна физическай култуура сайдыытыгар сүҥкэн кылааты киллэрбит…
Бүгүн, ыам ыйын 8 күнүгэр, биллиилээх судаарыстыбаннай уонна уопсастыбаннай диэйэтэл, Саха Сирин успуордун устуоруйатыгар күргүөмнээх…
Дойду бырабыыталыстыбата уонна бэрэсидьиэн дьаһалтата оптуорунньукка, ыам ыйын 7 күнүгэр, Арассыыйа Бэрэсидьиэнэ Владимир Путин инаугурациятын…
Бүгүн, ыам ыйын 8 күнүгэр, күн-дьыл туруга хайдаҕый? Дьокуускайдааҕы гидрометеорологическай сулууспа тугу иһитиннэрэрий? Халыма-Индигиир улуустарыгар…
Бүгүн Бэрэсидьиэн Владимир Путин алта сыллаах болдьоххо дуоһунаһыгар киирэр сиэрэ-туома буолла. Кини норуотун иннигэр андаҕар…