Горнай улууһун эр дьоно сугулааҥҥа түмүстэ

Бу күннэргэ Горнай улууһугар эр дьону түмэр, модун, хорсун санааларын бөҕөргөтөр, биир сомоҕо буолалларын туоһулуур сугулаан буолан ааста.

Тэрээһин алгыс сиэринэн-туомунан, улуус Аҕа баһылыгын Никита Андреев эҕэрдэ тылынан саҕаланна.

«Саха сирин аҕаларын түмсүүтэ» уопсастыбаннай түмсүү салайааччыта Айхал Габышев, Дойду бэрэсидьиэнин итэҕэллээх киһитэ Алексей Егоров-Өркөн, «Анаабыр алмаастара» акционернай уопсастыба сүрүннүүр инженерин солбуйааччы Сахаян Потапов сугулаан кыттыылаахтарыгар эҕэрдэ тылларын анаатылар, махтал суруктары туттардылар.

Тэрээһин ойор-тэбэр оһуохай үҥкүүтүнэн түмүктэннэ диэн Горнай улууһун дьаһалтатын пресс-сулууспата иһитиннэрэр.