Хаартыска Горнай улууһун дьаһалтатыттан
Бэҕэһээ, атырдьах ыйын 13 күнүгэр, Горнай улууһун баһылыга Никита Андреев, тыа хаһаайыстыбатын управлениетын салайааччыта Роман Филиппов, тыа хаһаайыстыбатын исписэлииһэ Светлана Карпова Мытаах нэһилиэгин оттуур ходуһаларын кэрийэн, оттооһун хаамыытын билистилэр.
Быйылгы отторун былаана — 1351 туонна. Бүгүҥҥү туругунан 453 туонна от оттонон турар, бу былаан — 33,5%-а.
«Билэргит курдук, сайыммыт сөрүүн, эрдэ хаһыҥ түһэн от үүнүүтэ мөлтөх. Эбиитин ардахпыт кэлэ-кэлэ түһэ турар, сорох сирдэр уулаах сыталлар», – диэн хаһаайыстыбалар этэллэр диэн, Горнай улууһун дьаһалтата иһитиннэрэр.
Оттооһун хаамыытын бытаардыбат сыалтан улуус дьаһалтата оттоммокко хаалан эрэр сирдэри көҥүл оттуурга биэрэргэ диэн быһаарда.
«Манан сибээстээн атырдьах ыйын 15 күнүттэн улууска Көҥүл хотууру биллэрэбит. Нэһилиэк сирдээх дьоно оттообот, оттоммот сирдэрин, сүөһүлээх хаһаайыстыбаларга уларсалларыгар көрдөстүбүт. Хаһаайыстыбалар төһө кыалларынан биир да сири хаалларбакка оттуулларыгар ыҥырабыт. Онон тыа хаһаайыстыбатын салаатыгар күүскэ үлэлии сылдьар дьоммутун өйөөн бэйэбит итинник суолу быһаардыбыт», — диэн улуус баһылыга санаатын үллэһиннэ.
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…