Горнайдар ситиһиилэрэ — биир дойдулаахтар үөрүүлэрэ

Быйыл «МУУС УСТАР» ыччат бэстибээлиттэн улаханнык үөрэн-көтөн олоробут.

Ол курдук, Атамай «Ситим» — уопсастыбаннай түмсүүтэ (сал.Татьяна Павлова) «Доброволец Якутии» эрэгийиэннээҕи бириэмийэҕэ социальнай бырайыак хайысхатынан кыттан,  кыайыылааҕынан тахсан 40 тыһ. сэртипикээтинэн наҕараадаланна. Онон 2023 сыл түмүгүнэн Арассыыйа таһымнаах үс граны ылан, бырайыактары олоххо киллэрэн, улууспутугар биир бастыҥ уопсастыбаннай түмсүү буолбуккутунан эҕэрдэлиибит. Эмиэ бу далааһыннаах тэрээһиҥҥэ, «Айар» медиа-оскуола күрэхтэһиитин түмүгэ эмиэ үөрдэр. Манна Атамай ыччата Альберт Аввакумов «Бастыҥ оратор»  анал аат хаһаайынынан буолла.

Улууспут нэһилиэктэрин талааннаах ыччаттара төрөөбүт дойдуларын чиэһин көмүскүү, аатын ааттата сылдьалларыттан үөрэбит, киэн туттабыт.

Валентина Яковлева,

Атамай, Горнай

Хаартыска В.Яковлева тиксэриитэ, Айсен Павлов түһэриитэ