Хаартыска А.Колесова тиксэриитэ
Быйылгы үөрэх сылыгар Горнай улууһугар үлэлиир «Сайдыы суола» уопсастыбаннай тэрилтэ уонна Л.Е.Лукина аатынан эбии үөрэхтээһин киинэ «Оҕолор сахалыы ойуулуктары оҥороллор» диэн бырайыагы көҕүлээн олоххо киллэрэ сылдьаллар. Бырайыак Ил Дархан гранын куонкуруһун кыайыылааҕа буолан өйөбүлү ылбыта.
Бырайыак сүрүн сыала-соруга — учууталлары, иитээччилэри, уһуйааччылары уонна оҕолору ойуулуктары айан, оҥорон, таҥан таһаарарга үөрэтии Ылбыт билиилэрин, сатабылларын туһанан, сахалыы ойуулуктары оҥорууну көҕүлээһин буолар.
Бу күннэргэ киин эдэр уһуйааччыта Алаайа Андреева «Базовые компетенции компьютерной анимации» диэн маастар-кылааһы ыытан билиитин-көрүүтүн үллэһиннэ. Алаайа Никитична «мультипликатор-худуоһунньук» анал үөрэҕин баһылаабыт эдэр кэскиллээх уһуйааччы буолар.
Маастар-кылааска өрөспүүбүлүкэбит араас улуустарыттан уонна Дьокуускай куораттан 7 оҕо уонна оскуола, уһуйаан 18 иитээччитэ, төрөппүттэрэ кииҥҥэ кэлэн уонна куйаар ситимин нөҥүө холбонон кыттыыны ыллылар. Билиҥҥи бириэмэҕэ олус наадалаах ньыма кистэлэҥнэрин, кыахтарын үөрэттилэр.
Маастар-кылаастарга кыттыыны ылбыт уһуйааччылары, төрөппүттэри муус устар 21 күнүгэр «Сайдыы суола» уопсастыбаннай тэрилтэ көҕүлээн ыытар өрөспүүбүлүкэ таһымнаах «Айар аартык» бэстибээлигэр ыҥыраллар. Дьарыктаабыт оҕолоргут бастакы айымньыларынан көхтөөхтүк кыттыахтара диэн эрэнэллэр.
Александра Колесова,
«Сайдыы суола» түмсүү салайааччыта
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…
Саха сирэ үчүгэйдик сайдар уонна Бэрэсидьиэн этэринэн, бойобуой киирсии лииньийэтигэр аан да дойдуга суох байыастары…
Суруналыыс омук массыынатын ылыныам диэн биэс сыл харчы мунньуммут. Ол эрээри, массыынаҕа сыана олус үрдээн…
Дойду Бэрэсидьиэнэ Владимир Путин сылы түмүктүүр пресс-кэмпириэнсийэтигэр тыһыынчанан ыйытыы киирэр. Онтон биирдэстэрин мэдиссиинэ университетын 5-с…
Владимир Путин Саха сириттэн төрүттээх Арассыыйа Дьоруойа Андрей Григорьев туһунан киинэни өйүүрүн биллэрдэ. Саха сириттэн…
Арассыыйаҕа саҥа дьиэни үлэҕэ киллэрии кээмэйэ 2025 сыл түмүгүнэн былырыыҥҥытааҕар кыратык аччыаҕа уонна 103-105 кв.м.…