Андрей Сорокин (СИА) хаартыскаҕа түһэриитэ.
Муус устар 24-26 күннэригэр Горнай Бэрдьигэстээҕэр «Зарница 2.0» Бүтүн Арассыыйатааҕы байыаннай-патриотическай оонньуу эрэгийиэннээҕи түһүмэҕэ буолуоҕа. Тэрээһин Саха Өрөспүүбүлүкэтин күнүгэр ананар.
«Арассыыйаҕа урут «Зарницаҕа» бары оонньууллар этэ, билигин «Движение Первых» хамсааһын «Зарница 2.0» оонньуу көрүҥүн уларытан таһаарда. Манна технологическай тургутууну, ол иһигэр дрону салайыыга күрэхтэһиилэр буолаллар. «Движение Первых» хамсааһын патриотическай иитии биир сүрүн хайысхатынан буолар. Түһүмэхтэри ааһан, оҕолор хамаандаҕа уонна уопсай дьыалаҕа күрэстэһии суолтатын билэллэр, саҥа дьоҕурдары баһылыахтара, холобур, бастакы көмөнү хайдах оҥорорго үөрэниэхтэрэ», — диэн СӨ Бырабыыталыстыбатын бэрэссэдээтэлин солбуйааччы Ольга Балабкина кэпсээтэ.
Саха сирин үөрэнээччилэрэ араас тургутууларга кыттыахтара. Бэрдьигэстээххэ күрэхтэһии ыытылларыгар бары усулуобуйа тэрилиннэ. Холобур, Бэрдьигэстээххэ зарница олимпийскай резервнэй успуорт оскуолатын универсальнай стрелковай тирыгар ыытыллыаҕа.
Бэс ыйыгар кыайыылаахтар Хабаровскай кыраайга Уһук Илиҥҥи түһүмэҕэр Саха сирин чиэһин көмүскүөхтэрэ.
Санатан эттэххэ, «Движение Первых» Арассыыйа Бэрэсидьиэнэ Владимир Путин дьаһалынан 2022 сылтан тэриллибитэ. Хамсааһын үлэтэ оҕону бары өттүнэн сайыннарарга, идэҕэ уһуйарга туһуланар. Саха сирин Ил Дархана Айсен Николаев бэлиэтээбитинэн, Саха сиригэр оҕолору-ыччаттары тардыы көдьүүһүн сүрүн көрдөрүүтүн 26 %-нан куоһарбыта.
СӨ Ил Дарханын уонна Бырабыыталыстыбатын пресс-сулууспата
2025 сылга бизнеси өйүүр сыаллаах «Көдьүүстээх уонна күрэстэһиилээх экэниэмикэ» саҥа национальнай бырайыак саҕаламмыта. Национальнай бырайыак…
Арассыыйа Бэрэсидьиэнэ Владимир Путин көҕүлээһининэн ыытыллыбыт «Доруобуйа харыстабыла» национальнай бырайыагы олоххо киллэрии кэмигэр Саха сирин…
Ааспыт нэдиэлэҕэ байыастарга анаан үс тиэхиньикэ барда. Бу туһунан "Бары бииргэ Кыайыыга!" хамыыһыйа сүрүннүүр киинин…
Өлөөн улууһугар өрүһү туоруур суолу Өлөөн уонна Харыйалаах сэлиэнньэлэрин икки ардыгар астылар. Муус халыҥа 3…
Ил Дархан көҕүлээһининэн Арктика улуустарын үөрэҕин тэрилтэлэригэр эдэр исписэлиистэри сыһыарыыга туһаайыллар “Арктика учуутала” бырайыак ситиһиилээхтик…
Өрөспүүбүлүкэтээҕи доруобуйалара хааччахтаах оҕолорго аналлаах реабилитациялыыр кииҥҥэ байыаннай дьайыы кыттыылаахтарын дьиэ кэргэттэрин 642 чилиэнэ, ол…