Гороскуоп: бэс ыйын 29 — от ыйын 6 күннэрэ

Хой

Бу нэдиэлэҕэ дьиэ-уот, учаастак дьыалаларын ситиһэргэ сөптөөх кэм үүммүт. Чугас дьоҥҥутугар, ырааҕынан аймахтаргытыгар бириэмэтэ анааҥ. Сүбэ-ама ыларга, ирэ-хоро кэпсэтэргэ, инники былааннары олохтуурга хойдорго тоҕоостоох нэдиэлэ буолуоҕа диэн сулустар сүбэлииллэр.

Оҕус

Айан, сырыы күүтэр, соһуччу этиилэр киирдэхтэринэ, толкуйдаабакка сөбүлэһиҥ. Ол курдук, бу нэдиэлэ холоруктуу ытыллан ааспытын билбэккэ да хаалыаххыт. Кыра түбүктэр, ыксаан-ыгылыйан ылар да түгэннэр баар буолуохтара.

Игирэлэр

Харчы кэлиитэ-барыыта үчүгэй. Элбэх харчы күүтэр, баҕар, хамнаскыт үрдүөҕэ. Ону мээнэ матайдаабакка, сөпкө барыы сатааҥ. Сынньана барарга, массыына саҥардарга, атыылаһарга сөптөөх күн-дьыл туран биэриэ. Соһуччу бэлэх тутуоххутун сөп.

Араак

Бу нэдиэлэҕэ тугу гыммыккыт барыта табыллан иһиэҕэ. Онон харса суох дьыаланы-куолуну ситиһэн иһин, дуогабарда баттааҥ — барыта сатаныаҕа. Бэйэҕитигэр соһуччу талааҥҥытын арыйыаххытын сөп, ыллаан-үҥкүүлээн турдаххытына соһуйумаарыҥ.

Хахай

Саҥа ый саҕаланыыта сылайбыккытын билиэххит. Мантан сылтаан кыра ыарыыларгыт көбүөхтэрин сөп. Доруобуйаны көннөрүнэргэ, успуордунан дьарыктанарга, хамсанарга дьулуһуҥ. Уруккуттан ситиһэ сатыыр дьыалаҕыт табыллыа, үгүс дьон билиниитин ылыаххыт.

Кыыс

Ханна да тиийиҥ, болҕомто киинигэр буолуоххут. Ону туһанан, хата, сулумах “кыргыттар” сүрэххит аҥаарын көрсүөххүтүн сөп. Онон куруук оҥосто, бэйэ бодотун тардына сылдьыҥ. Саҥа сонун санаалар, бырайыактар, сыаллар-соруктар өйгүтүгэр киириэхтэрэ. Олору олоххо киллэриҥ.

Ыйааһын

Эһигини салалта өйүүр, сөбүлүүр, үлэҕитин сыаналыыр, онон бу күннэргэ үлэҕэ үрдээһин күүтэр. Былааннаммыты барытын олоххо киллэрэргэ дьулуһуҥ. Харчы киллэрэр бырайыактар баар буолуохтара. Үгүһү толкуйдаамаҥ, барытыгар сөбүлэһэн иһин.

Скорпион

Көр-нар, бырааһынньык, кэлии-барыы күүтэр. Саҥа билиилэри ыларга, үүнэргэ-сайдарга тоҕоостоох нэдиэлэ үүммүт. Кыах баар буоллаҕына, үөрэниҥ. Кэлин бу олоххутугар туһалаах буолуоҕа. Төбө, ис-үөс ыарыыта буулуон сөп, сэрэниҥ.

Охчут

Мүччүргэннээх сырыылар күүтэллэр. Дьон тылыгар киирэн биэрэртэн сэрэхтээх буолуҥ. Баҕар, туоххут да табыллыбат курдук санаан ылыаххыт. Санааҕытын түһэримэҥ, барыта этэҥҥэ буолуо. Сынньанарга, күүс-уох ыларга сөптөөх ый саҕаланна.

Чубуку

Саҥа биисинэһи саҕалыырга тоҕоостоох кэм. Дьаныардаах уонна тулуурдаах майгыгыт ыарахаттары аһарынаргытыгар күүс-көмө буолуохтара. Үлэҕит сыаналаныа, салалта бэлиэтиэ, баҕар харчынан бириэмийэлиэ. Кэлэр нэдиэлэ ортото соһуччу көрсүһүүлэр күүтэллэр.

Күрүлгэн

Эһиэхэ дьон тардыһар, эһигини кытта билсэ-көрсө, кэпсэтэ сатыыр. Ол эрээри, эһиги туcкутунан хоп-сип тарҕаныан сөп, онуоха наадыйымаҥ. Туох баар саҕалаабыт дьыалаҕытыгар кыайыылаах-хотуулаах тахсыаххыт.

Балыктар

Сыаналаах улахан малы-салы атыылаһарга тоҕоостоох кэм үүммүт. Бу туһугар харчыгытын харыһыйымаҥ, өр сылларга эрэллээхтик сулууспалыа. Дьиэни-уоту өрө тардарга, уларыта тутарга, саҥа миэбэл атыылаһарга сөптөөх нэдиэлэ үүммүт.