Госдуума дьокутааттара бэтэрээннэргэ төлөбүрдэри улаатыннарары туруорсаллар

Госдуума дьокутааттара Аҕа дойду Улуу сэриитин бэтэрээннэригэр ыйдааҕы төлөбүрдэрин икки төгүл улаатыннарары туруорсаллар.

Сокуон барылын ааптардара маны сэргэ ОДьКХ өҥөтүн төлөбүрүгэр ороскуоту толору толуйуохха наада дииллэр. Сокуон барылын дойду бырабыыталыстыбатын көрүүтүгэр ыыттылар.

«Сокуон барылынан Аҕа дойду Улуу сэриитин кыттыылаахтарыгар ыйдааҕы харчынан төлөбүрдэрин икки төгүл улаатыннарыы көрүллэр», — диэн сокуон барылын хос суругар суруллубут. Бу туһунан РИА новости суруйар.

Докумуонунан бэтэрээннэр дьиэ кэргэттэрин интэриэстэрин учуоттаан, олорор дьиэ хапытаалынай өрөмүөнүн уонна усунуоһун төлөөһүҥҥэ толуйуу биэрии бэрээдэгин бигэргэтиигэ этии киирдэ. Бу иннинэ дьокутааттара Аҕа дойду Улуу сэриитин бэтэрээннэригэр уонна оҕолоругар биир социальнай чэпчэтиилэри олохтуур туһунан сокуон барылын көҕүлээбиттэрэ.